લંડન, અમુક લોકો લગ્ન માટે મંદિર અથવા ચર્ચ જતાં હોય છે, પણ એક કપલે કંઈક અલગ જ કર્યું છે. તેમણે પોતાના લગ્ન એક સ્થાનિક ગેસ સ્ટેશનના બાથરુમમાં લગ્ન કર્યા છે. લોજૈન એબ્ની નામના વરરાજા અને ટિયાના અલિસ્ટોક નામની દુલ્હને વેલેન્ટાઈન ડેના દિવસે કેંટકીના વેરોનામાં આવેલ એચઓપી શોપ્સના મેન્સ ટોયલેટમાં લગ્ન કર્યા હતા.
તેમણે મીડિયાને જણાવ્યું કે, હું કંઈક અલગ કરવા માગતી હતી. હું બસ કોઈ સિંપલ ચર્ચમાં લગ્ન કરવા નહોતી માગતી અથવા તો ચર્ચમાં જવા નહોતી માગતી. હું મારા બાળકોને બતાવવા માટે કંઈક મજેદાર વસ્તુ કરવા માગતી હતી. કંઈક મજેદાર, એક સારો અનુભવ.
ટિયાનાએ પોતાના બોસ સાથે આ આઈડિયા શેર કર્યો. તેમણે વિચાર્યું કે, લગ્ન માટે સૌથી અનોખી જગ્યા આ ડિસ્કોવાળી થીમવાળા બાથરુમ છે. એચઓપી શોપ્સ પોતાના અનોખા બાથરુમ માટે વખણાય છે. જ્યાં એક બટન દબાવતા રંગીન લાઈટ્સનો શો થાય છે.
એચઓપી શોપ્સે પોતાના એક સ્ટોરમાં આ અનોખા લગ્ન વિશે મીડિયાને જણાવ્યું કે, ટિયાનાએ કહ્યું કે, એક વાર જ્યારે તે નક્કી થઈ ગયું તો હું તેની સાથે લગ્ન કરવા અને એટલી અનોખી, નાયાબ લગ્નની જગ્યા પસંદ કરવા માટે ખૂબ જ ખુશ હતી.
ટિયાના આગળ કહે છે કે, આ માહોલ કોઈ જાદુથી જરાયે કમ નથી. લગ્નની જગ્યાને રંગીન રોશનીથી સજાવી હતી. સાથે જ છતથી લટક્તી ચમક્તી ડિસ્કોવાળી રોશની ચારેતરફ ફેલાઈ રહી હતી. જ્યારે મેરેજની ધૂન હવામાં ગુંજવા લાગી તો વર વરરાજાની સૌ કોઈ રાહ જોઈ રહ્યા હતા.
લગ્નના દિવસે ટિયાનાએ ગેસ સ્ટેશનની અંદર જ જાતે જ એક રસ્તો બનાવ્યો. જે બાથરુથમાં જતો હતો. આ રસ્તા પર એક ખાસ સાઈન બોર્ડ લગાવ્યું હતું. જેના પર લખ્યું હતું કે, ડિસ્કો બાથરુમમાં લગ્ન ચાલી રહ્યા છે. અસુવિધા માટે માફી માગીએ છીએ. ફ્રી ફાઉંટેન પોપ અમારા તરફથી. ત્યાર બાદ ટિયાના અને લોજૌન પોતાના લગ્નના કપડામાં દોસ્ત અને પરિવારના સભ્યો સાથે ટોયલેટમાં ગયા. તેમના સંબંધીઓ એટલા માટે હતા કે ટોયલેટ બહાર લાંબી લાંબી લાઈનો લાગી હતી.