સ્ટેટ મોનિટરીંગ સેલ (એસએમસી)ના અધિકારીઓ માહિતીને આદારે વડોદરા ગ્રામ્યના હાલોલ વડોદરા હાઈવે સ્થિત જરોદ પાસેથી દારૂ ભરેલો ટ્રક કબજે કર્યો હતો. પોલીસે ૭૮ લાખ રૂપિયાની કિંમતનો દારૂ અને ટ્રક મળીને કુલ રૂ. ૧,૦૮,૩૪,૫૮૦ નો મુદ્દામાલ કબજે કર્યો હતો. જેમાં બે આરોપીની ધરપકડ કરવામાં આવી હતી.
એસએમસીના અધિકારીઓ વડોદરા ગ્રામ્યના જરોડ ગામ પાસેના હોટેલ વે-વેઈટ પાસેના શ્રીનિવાસ પેટ્રોલ પંપના પાકગમાંથી દારૂ ભરેલો ટ્રક કબજે કર્યો હતો. ટ્રકમાંથી પોલીસે રૂ.૭૮,૦૯,૬૦૦નો દારૂ , બે મોબાઈલ, રોકડ રકમ અને ટ્રક મળીને કુલ રૂ. ૧,૦૮,૩૪,૫૮૦ નો મુદ્દામાલ કબજે કર્યો હતો.
કેસમાં પોલીસે નેપાળસિંહ એમ.સીસોદિયા અને ભોપાલસિંહ બી.ચૌહાણની ધરપકડ કરી હતી. બન્ને આરોપી રાજસ્થાનના વતની છે. જ્યારે ત્રણ ફરાર આરોપીઓની શોધ હાથ ધરી છે.