અમદાવાદ,
વડાપ્રધાન નરેન્દ્ર મોદી આવતીકાલે રાણીપમાં મતદાન કરવાના છે તે અગાઉ વડાપ્રધાનના સમગ્ર રૂટ ઉપર પીએમના કોન્વોયનું રિહર્સલ કરવામાં આવ્યું હતું. પ્રધાનમંત્રી નરેન્દ્ર મોદી આવતીકાલે સવારે ૮ વાગ્યે રાણીપ ખાતે મતદાન કરશે. પ્રધાનમંત્રી નરેન્દ્ર મોદી દિલ્લીથી મતદાન કરવા માટે અમદાવાદ આવશે.
લોકશાહીના મહાપર્વમાં ભાગ લેવા માટે પીએમ મોદી આજે ગુજરાતમાં છે. આવતીકાલે સવારે ૮ કલાકે તેઓ મતદાન કરશે. ચુસ્ત સુરક્ષા વચ્ચે તેઓ રાણીપમાં આવેલી નિશાન સ્કૂલમાં પોતાના મતાધિકારનો ઉપયોગ કરશે અને બીજા તબક્કામાં વધુમાં વધુ મતદાન થાય તે માટે લોકોને મતદાન કરવા અપીલ કરશે. તેઓ માતા હીરાબા સાથે પણ મુલાકાત કરવાના છે.
નિશાન સ્કુલમાં વડાપ્રધાન નરેન્દ્ર મોદી મતદાન કરવાના હોવાથી સમગ્ર વિસ્તારમાં કડક સુરક્ષા ગોઠવી દેવામાં આવી છે બેરીકેટ કરવામાં આવી છે.