ટોકયો, ભારતીય વ્યંજનનો સ્વાદ વિદેશો સુધી ફેલાયોલો છે, વિદેશીઓ પણ ભારતીય ખાવાના દિવાના છે. એટલું જ નહીં પરંતુ દેશના અલગ અલગ રાજ્યો પોતાના અલગ અલગ વ્યંજનો માટે પ્રખ્યાત છે. આ સિવાય સ્ટ્રીટ ફૂડની વાત તો અલગ જ છે. હાલ જાપાનના રાજદૂત હિરોશી સુઝુકીનો એક વીડિયો સોશિયલ મીડિયા પર વાયરલ થઈ રહ્યો છે. આ વાયરલ વીડિયોને પીએમ નરેન્દ્ર મોદીએ પણ રીટ્વીટ કર્યો હતો જેમ તેમણે જાપાનીઝ રાજદૂતને ટેગ કર્યા હતા.
પીએમ મોદીએ ટ્વિટ કર્યું છે કે, શ્રીમાન એમ્બેસેડર આ એક એવી હરીફાઈ છે જે તમને હારવામાં વાંધો નથી. તમને ભારતની વ્યંજનને આનંદ રીતે માણતા અને નવીન રૂપે રજૂ કરતા જોઈને આનંદ થયો. તમારા આવા જ વીડિયોઝ આવતા રહે.
ભારતમાં જાપાનના રાજદૂત હિરોશી સુઝુકી અવારનવાર ચર્ચામાં રહે છે. બનારસની ગલીઓમાં લિટ્ટી-ચોખાનો આનંદ ઉઠાવવાનો હોય કે ક્યારેક મુંબઈમાં ટ્રેનમાં મુસાફરી કરવી હોય, તેઓ ભારતની અંદર દરેક વસ્તુનો આનંદ માણતા જોવા મળે છે. હવે તેમનો લેટેસ્ટ જે વીડિયો સામે આવ્યો છે, તે ખૂબ વાયરલ થયો છે. જેમાં તેઓ સ્ટ્રીટ ફૂડનો સ્વાદ માણતાં જોવા મળી રહ્યા છે.