ઉત્તરપ્રદેશ, લોક્સભા ચૂંટણી પહેલા યુપીમાં મોટો રાજકીય હલચલ જોવા મળી રહી છે. સમાજવાદી પાર્ટીના પ્રદેશ અધ્યક્ષ નરેશ ઉત્તમ પટેલ મજબૂત નેતા અને પ્રતાપગઢના કુંડાના ધારાસભ્ય રાજા ભૈયાને મળવા પહોંચ્યા છે. તેણે રાજા ભૈયાને અખિલેશ યાદવ સાથે ફોન પર વાત કરાવી છે. મીડિયા રિપોર્ટ્સ અનુસાર, રાજા ભૈયાની પાર્ટી જનસત્તા દળ અને સમાજવાદી પાર્ટી વચ્ચે ગઠબંધનને લઈને વાતચીત થઈ છે.
યુપીમાં રાજા ભૈયાના જનસત્તા દળના બે ધારાસભ્યો છે. આ વાતચીત એટલા માટે પણ મહત્વપૂર્ણ બની જાય છે કારણ કે આવતા અઠવાડિયે યુપીમાં રાજ્યસભાની દસ બેઠકો માટે મતદાન થવાનું છે. દસ બેઠકો પર ૧૧ ઉમેદવારો મેદાનમાં હોવાથી દરેક ધારાસભ્યનું મહત્વ વધી ગયું છે.
કહેવાય છે કે રાજા ભૈયા અને સમાજવાદી પાર્ટી વચ્ચે પાંચ સીટો પર ગઠબંધનને લઈને વાતચીત ચાલી રહી છે. જો કે હજુ સુધી બંને તરફથી કોઈ સત્તાવાર પ્રતિક્રિયા આવી નથી. છેલ્લા ત્રણ દાયકાથી અપક્ષ રાજાભૈયા કુંડામાંથી ચૂંટણી જીતી રહ્યા છે. ૨૦૨૨ની વિધાનસભા ચૂંટણીમાં તેમણે જનસત્તા દળ લોક્તાંત્રિકના નામથી પાર્ટી બનાવી અને તેમાંથી મેદાનમાં ઉતર્યા. એક પોતે ધારાસભ્ય છે અને બીજા ધારાસભ્ય વિનોદ સોનકર બાબાગંજ વિધાનસભા બેઠક પરથી જીત્યા હતા.
થોડા દિવસો પહેલા રાજા ભૈયાએ પણ વિધાનસભામાં અખિલેશ યાદવના વખાણ કર્યા હતા. તેમના આ નિવેદનની ખૂબ ચર્ચા થઈ હતી. વિધાનસભામાં બજેટ સત્ર દરમિયાન આરોગ્ય વ્યવસ્થા પર ચર્ચા દરમિયાન રાજા ભૈયાએ કહ્યું હતું કે સમાજવાદી પાર્ટીની સરકારમાં અખિલેશ યાદવે એક નિયમ બનાવ્યો હતો. તેમણે કહ્યું હતું કે ધારાસભ્યો તેમના ભંડોળનો ઉપયોગ અસાય રોગો અને કેન્સર જેવા રોગોથી પીડિત લોકોને આથક સહાય પૂરી પાડવા માટે કરશે. હોસ્પિટલમાંથી પ્રિસ્ક્રિપ્શન મુજબ બીમાર લોકોને આપી શકાય છે. તે યોજનાને કારણે ઘણા લોકોના જીવ બચી ગયા છે. ઘણા લોકોએ તબીબી સંભાળ પ્રાપ્ત કરી છે જે અન્યથા તેમને ઉપલબ્ધ ન હોત. રાજા ભૈયાએ કહ્યું હતું કે આ અખિલેશ યાદવની સંવેદનશીલતા છે.