લંડન,
બ્રિટિશ વડા પ્રધાન ૠષિ સુનકે વિશ્ર્વના નેતાઓને યુક્રેનને સૈન્ય સહાય બમણી કરવા વિનંતી કરતા શનિવારે કહ્યું હતું કે યુદ્ધગ્રસ્ત દેશ અને બાકીના યુરોપને ભવિષ્યમાં રશિયન આક્રમણથી બચાવવા માટે વધારાના શો અને સુરક્ષા બાંયધરીઓની જરૂર છે. સુનકે આ સંદેશ મ્યુનિક સિક્યોરિટી કોન્ફરન્સ, રાજ્યના વડાઓ, સંરક્ષણ પ્રધાનો અને અન્ય વિશ્ર્વ નેતાઓની વાર્ષિક બેઠકમાં તેમના સંબોધનમાં આપ્યો હતો.
આ વર્ષની કોન્ફરન્સમાં, રશિયાના યુક્રેન પરના આક્રમણના એક વર્ષ પછી આંતરરાષ્ટ્રીય સંબંધોના સ્વીકૃત નિયમોને ખતરો છે, તેની ચર્ચા કરવામાં આવશે. યુક્રેનને યુદ્ધ ટેક્ધો, અત્યાધુનિક હવાઈ સંરક્ષણ પ્રણાલીઓ અને લાંબા અંતરની મિસાઈલો પ્રદાન કરવાની બ્રિટનની તાજેતરની પ્રતિબદ્ધતાને પ્રકાશિત કરતાં, સુનકે રાષ્ટ્રોને વસંતમાં સંભવિત રશિયન આક્રમણ પહેલાં સહકાર વધારવા વિનંતી કરી.
સુનકે કહ્યું કે હવે આપણી સૈન્ય સહાય બમણી કરવાનો સમય આવી ગયો છે. તેમણે નોર્થ એટલાન્ટિક ટ્રીટી ઓર્ગેનાઈઝેશન (નાટો)ને યુક્રેન માટે લાંબા ગાળાની સુરક્ષા ગેરંટી આપવા માટે પણ અપીલ કરી હતી. તેમણે કહ્યું કે તે દરેક રાષ્ટ્રની સુરક્ષા અને સાર્વભૌમત્વ માટે છે.
પૂર્વીય યુક્રેનને કબજે કરવા માટે, રશિયન સેનાએ ડોનબાસ અને લુહાન્સ્કમાં સંપૂર્ણ બળ ફેંકી દીધું છે. અસ્થિર શિયાળામાં, યુક્રેનિયન ફોર્સ પણ દરેક હુમલા સામે લડી રહી છે. લુહાન્સ્કને બચાવવા માટે, યુક્રેનિયન ફોર્સ ક્રેમિનામાં જબરદસ્ત હુમલા કરી રહી છે. તે જ સમયે, ઝેલેન્સકીની લેડી બ્રિગેડ પણ યુદ્ધમાં જમીન બચાવવા માટે આગળ આવી રહી છે અને સક્રિયપણે ભાગ લઈ રહી છે. યુક્રેનિયન લેડી સોલ્જરનો વીડિયો બેટલ ગ્રાઉન્ડ પરથી સામે આવ્યો છે. આમાં ઘાયલ હોવા છતાં, મહિલા સૈનિક તેના દુશ્મનને ભગાડવા માટે તેના જીવ સાથે લડવા માટે તૈયાર જોવા મળે છે.