કીવ,યુક્રેન અને રશિયા વચ્ચેનું યુદ્ધ ચાલી રહ્યું છે ત્યારે ફરી એક વખત યુક્રેનના રાષ્ટ્રપતિ પર હુમલો થયો છે. આ હુમલા સમયે તેમની સાથે રૂસના રાષ્ટ્રપતિ પણ હતા.અહેવાલો અનુસાર, યુક્રેનના રાષ્ટ્રપતિ વોલોડીમિર ઝેલેન્સકી પર રશિયન મિસાઈલ દ્વારા જીવલેણ હુમલો કરવામાં આવ્યો છે. આ હુમલો ત્યારે થયો જ્યારે તે ઓડેસામાં કાળા સમુદ્ર પાસેના બંદર પર ગ્રીક પીએમ કાયરિયાકોસ મિસ્ટોટાક્સિ સાથે હતા.
ઝેલેન્સ્કી આ હુમલામાં સહેજ માટે બચી ગયા. તેમણે કહ્યું કે તે મિસાઈલની એટલી નજીક હતા કે તેણે તેને જોઈ અને તેનો અવાજ સાંભળ્યો. આ હુમલામાં ઘણા લોકોના મોત થયા હોવાના અહેવાલ છે. આ સિવાય ઘણા લોકો ઘાયલ પણ થયા છે.ઝેલેન્સકીએ કહ્યું કે, અમારે પહેલા પોતાનો બચાવ કરવાની જરૂર છે. આ કરવાનો શ્રેષ્ઠ રસ્તો મજબૂત હવાઈ સંરક્ષણ પ્રણાલી છે.
જણાવી દઈએ કે, રશિયા અને યુક્રેન વચ્ચે બે વર્ષથી વધુ સમયથી યુદ્ધ ચાલી રહ્યું છે. રશિયા આ પહેલા પણ ઘણી વખત ઓડેસાને નિશાન બનાવી ચૂક્યું છે. આ પહેલા રવિવારે રશિયાએ ડ્રોન વડે ઓડેસામાં વિનાશ મચાવ્યો હતો. જેમાં એક બે વર્ષના બાળક સહિત સાત લોકોના મોત થયા હતા જ્યારે ત્રણ વર્ષની બાળકી સહિત ૮ લોકો ઘાયલ થયા હતા.
યુક્રેનના રાષ્ટ્રપતિ ઝેલેન્સકીએ કહ્યું કે, ઈરાન દ્વારા પૂરા પાડવામાં આવેલા શહીદ ડ્રોનનો ઉપયોગ કરીને હુમલો કરવામાં આવ્યો છે. તેમણે કહ્યું કે આ હુમલાનું કોઈ સૈન્ય મહત્વ નથી અને તેનો હેતુ માત્ર લોકોને મારવાનો હતો. ઝેલેન્સકીએ કહ્યું કે જો યુક્રેન શોના પુરવઠામાં વિલંબનો સામનો ન કરી રહ્યું હોત તો હુમલો ટાળી શકાયો હોત.