સિઓલ, ઉત્તર કોરિયાએ અમેરિકા અને દક્ષિણ કોરિયા પર આંતર-કોરિયાઈ સરહદ પર દેખરેખની ગતિવિધિઓ વધારવાનો આરોપ લગાવ્યો છે. આ સાથે ઉત્તર કોરિયાએ ચેતવણી પણ આપી છે કે જો દેશની સાર્વભૌમત્વ અને સુરક્ષાનું ઉલ્લંઘન થશે તો તે તેની સામે ચોક્કસ જવાબી કાર્યવાહી કરશે. ઉત્તર કોરિયાના સંરક્ષણ પ્રધાન કિમ ગેંગ ઇલે જણાવ્યું હતું કે યુએસ અને દક્ષિણ કોરિયાની કઠપૂતળી વાયુ સેના દિવસભર ખૂબ જ ટૂંકા અંતરાલમાં હવાઈ જાસૂસી પ્રવૃત્તિઓ કરી રહી હતી.
કિમે વધુમાં કહ્યું કે, જ્યારે દેશની સાર્વભૌમત્વ અને સુરક્ષાને ખતરો હશે ત્યારે અમે તાત્કાલિક પગલાં લઈશું. તેઓએ દક્ષિણ કોરિયાની નૌકાદળ અને કોસ્ટ ગાર્ડ પર દરિયાઈ સીમાઓનું ઉલ્લંઘન કરવાનો અને લશ્કરી તણાવ વધારવાનો પણ આરોપ લગાવ્યો છે. કિમે દાવો કર્યો હતો કે ૧૩ અને ૨૪ મેની વચ્ચે યુએસએ કોરિયન પેનિનસુલા પર ૧૬ ઇઝ્ર-૧૩૫ અને યુ-૨જી જાસૂસી વિમાનો અને આરકયુ-૪બી ડ્રોન ઉડાવ્યા હતા. આ સાથે તેણે દક્ષિણ કોરિયાથી ગુબ્બારામાં મોકલવામાં આવેલી પત્રિકાઓની પણ ટીકા કરી અને તેને ખતરનાક અને ઉશ્કેરણીજનક કૃત્ય ગણાવ્યું.