મુંબઈ,
હોળી પર સિનેમાધરોમાં આવેલી રણબીર કપૂર અને શ્રદ્ધા કપૂરની ફિલ્મ તું જુઠી મેં મક્કાર પહેલા દિવસે જ દર્શકોને પોતાની તરફ ખેંચવામાં સફળ રહી છે. પહેલા દિવસના આંકડાથી સાબિત થઈ રહ્યું છે કે ફિલ્મ બોક્સ ઓફિસ પર સફળ થવા જઈ રહી છે.
૮ માર્ચે સિનેમાઘરોમાં આવેલી આ રોમેન્ટિક કોમેડી ફિલ્મે દર્શકો જ નહીં ફિલ્મ સમિક્ષકોના પણ દિલ જીત્યા છે. તુ જૂઠી મેં મક્કારને બોક્સ ઓફિસ પર જબરદસ્ત પ્રતિસાદ મળી રહ્યો છે. રણબીર કપૂર અને શ્રદ્ધા કપૂરની ફિલ્મની પહેલા દિવસની કમાણીના આંકડા મેર્ક્સને રાહત આપનારા છે. આંકડા અનુસાર, આ ફિલ્મે પહેલા દિવસે ૧૫.૭૩ કરોડ રૂપિયાનું કલેક્શન કર્યું છે.
તુ જુઠી મે મક્કાર, લવ રંજનનો વધુ એક માસ્ટરપીસ? આ ફિલ્મે પહેલા દિવસે ખૂબ જ સારું પ્રદર્શન કર્યું છે. હોળીના કારણે ફિલ્મને પ્રોત્સાહન મળ્યું છે. શરૂઆતના દિવસે બુધવારે ફિલ્મે ૧૫.૭૩ કરોડનું કલેક્શન કર્યું છે. આંકડાઓ પર નજર કરીએ તો, રણબીર અને શ્રદ્ધાની ફિલ્મે પહેલા દિવસે બોક્સ ઓફિસ પર ધૂમ મચાવી છે. આ આંકડાઓ આવ્યા બાદ આગળ હવે તુ જૂઠી મેં મક્કારથી મેર્ક્સની અપેક્ષાઓ પણ વધી ગઈ છે. અહીં તમને જણાવી દઈએ કે, આ પહેલા શાહરૂખ ખાનની પઠાણે બોક્સ ઓફિસ પર ધમાકેદાર પ્રદર્શન કરતા તમામ ફિલ્મોના રેકોર્ડ તોડી નાખ્યા છે. હવે આ ફિલ્મ પણ સારૂ પ્રદર્શન કરી રહી છે.