કોલકતા, પશ્ર્ચિમ બંગાળના ઉત્તર ૨૪ પરગણા જિલ્લામાં સ્થિત સંદેશખાલી ગામ તાજેતરમાં સમાચારોમાં છે. અહીંની મહિલાઓનો આરોપ છે કે શાહજહાં શેખે તેમની જમીન પર કબજો કરવાની સાથે કેટલીક મહિલાઓનું યૌન શોષણ પણ કર્યું હતું, જેની તપાસ ચાલી રહી છે. બંગાળનું આખું રાજકારણ અત્યારે સંદેશખાલીની આસપાસ ઘૂમી રહ્યું છે. મહિલાઓની દુર્દશાને ઉજાગર કરનાર બસીરહાટ બીજેપીના ઉમેદવાર રેખા પાત્રાએ તૃણમૂલ કોંગ્રેસ (ટીએમસી)ના ઉમેદવાર દેવાંગશુ ભટ્ટાચાર્ય વિરુદ્ધ તેમની ગોપનીયતાના કથિત ઉલ્લંઘન માટે રાષ્ટ્રીય મહિલા આયોગમાં ફરિયાદ નોંધાવી છે.
રેખા પાત્રાએ રાષ્ટ્રીય અનુસૂચિત જાતિ આયોગને પણ પત્ર લખ્યો છે. આમાં તેણે આરોપ લગાવ્યો છે કે તમલુક લોક્સભા સીટ પરથી તૃણમૂલ કોંગ્રેસના ઉમેદવાર અને પાર્ટીના સોશિયલ મીડિયા યુનિટના વડા ભટ્ટાચાર્યએ તેમની અંગત માહિતી અને બેંક ખાતાની વિગતો જાહેર કરી છે.
પાત્રાના વકીલે પત્રમાં કહ્યું, ’તાજેતરમાં દેવાંગશુ ભટ્ટાચાર્યએ ફેસબુક પર એક પોસ્ટ કરી, જેમાં તેણે તમલુકના ટીએમસી ઉમેદવારની અંગત માહિતી, જેમ કે ફોન નંબર, બેંક ખાતાની વિગતો, સ્વાસ્થ્ય સાથી યોજના તેમજ સરકારી યોજનાઓ સાથે સંબંધિત માહિતી શેર કરી. . આમ કરવું સ્પષ્ટપણે પાત્રાની ગોપનીયતાનું ઉલ્લંઘન છે.
ભાજપના ઉમેદવારે, તેમના વકીલ દ્વારા, ગોપનીયતાના અધિકારનું ઉલ્લંઘન કરવા અને અનુસૂચિત જાતિ અને અનુસૂચિત જનજાતિ સંરક્ષણ (અત્યાચાર નિવારણ) અધિનિયમની જોગવાઈઓનું ઉલ્લંઘન કરવા બદલ ્સ્ઝ્ર નેતા સામે તાત્કાલિક પગલાં લેવા પંચને વિનંતી કરી.