કે ચંદ્રશેખર રાવ (કેસીઆર)ની ભારત રાષ્ટ્ર સમિતિ (બીઆરએસ)ને તેલંગાણામાં મોટો ઝટકો લાગ્યો છે. ગુરુવારે, મુખ્યમંત્રી રેવન્ત રેડ્ડીની હાજરીમાં છ બીઆરએસના એમએલસી સભ્યો કોંગ્રેસમાં જોડાયા. ગયા વર્ષે વિધાનસભાની ચૂંટણીમાં હાર બાદથી જ બીઆરએસ એમએલસીનો પક્ષ છોડવાનો ટ્રેન્ડ ચાલી રહ્યો છે.
કોંગ્રેસમાં સામેલ થનારા છ એમએલસીમાં દાંડે વિઠ્ઠલ, ભાનુ પ્રસાદ રાવ, એમએસ પ્રભાકર, બોગ્ગારાપુ દયાનંદ, યેગે મલ્લેશમ અને બસવરાજુ સરૈયાનો સમાવેશ થાય છે. બીઆરએસ એમએલસી સીએમ રેવન્ત રેડ્ડી, તેલંગાણામાં એઆઇસીસી પ્રભારી દીપા દાસમુન્શી અને અન્ય નેતાઓની હાજરીમાં કોંગ્રેસમાં જોડાયા હતા.
બીઆરએસ એમએલસી પક્ષપલટો બાદ કેટી રામારાવની પ્રતિક્રિયા. તેમણે રાહુલ ગાંધી પર નિશાન સાયું હતું. કેટીઆરએ સોશિયલ મીડિયા પ્લેટફોર્મ પર પોસ્ટ કર્યું કે જેઓ બીઆરએસના ધારાસભ્યો કોંગ્રેસ તરફ વળ્યા છે, જો તમે બીઆરએસ ધારાસભ્યોને રાજીનામું આપી શક્તા નથી, તો પછી ૧૦મા સુધારા માટે દેશ તમારા પર વિશ્ર્વાસ કેવી રીતે કરશે? આ કેવો ન્યાયિક દસ્તાવેજ છે.
તેલંગાણા વિધાન પરિષદની વેબસાઇટ અનુસાર,બીઆરએસ પાસે ૨૫ સભ્યો છે, જ્યારે કોંગ્રેસ પાસે ચાર છે. ૪૦ સભ્યોના ગૃહમાં બે બેઠકો ખાલી છે. તે જ સમયે, ચાર નામાંક્તિ એમએલસી ધારાસભ્યો, એઆઇએમઆઇએમના બે સભ્યો, ભાજપ,પીઆરટીયુ અને એક અપક્ષ સભ્ય છે. સીએમ રેવન્ત રેડ્ડી તેમની બે દિવસની દિલ્હી મુલાકાતથી પરત ફર્યા બાદ જ બીઆરએસ વાએમએલસી કોંગ્રેસમાં જોડાયા હતા.
બીઆરએસ એમએલસી કોંગ્રેસમાં જોડાયા બાદ હવે વિધાન પરિષદમાં કોંગ્રેસનું સંખ્યાબળ વધીને ૧૦ થઈ જશે. તમને જણાવી દઈએ કે ગત વર્ષની વિધાનસભા ચૂંટણીમાં બીઆરએસને ૧૧૯માંથી માત્ર ૩૯ સીટો પર જીત મળી હતી. જ્યારે કોંગ્રેસને ૬૪ બેઠકો મળી હતી. તાજેતરમાં સિકંદરાબાદ છાવણીના બીઆરએસ ધારાસભ્ય જી લસ્યા નંદિતાનું માર્ગ અકસ્માતમાં મૃત્યુ થયું હતું, ત્યારબાદ અહીં પેટાચૂંટણી યોજાઈ હતી. પેટાચૂંટણીમાં કોંગ્રેસનો વિજય થયો હતો.