તાપી,
તાપી જિલ્લાના વ્યારા તાલુકાના વીરપુર ગામે લાકડાના પૈસાની ભાગબટાઈના કારણે એક ૫૦ વર્ષીય આધેડની કૌટુંબિક દોહિત્ર એ હત્યા કરી દેતા ચકચાર મચી જવા પામી હતી. આ ઘટનાને લઈ પોલીસે હત્યાનો ગુનો દાખલ કરી ફરાર આરોપીને સેલવાસ નજીકથી ઝડપી લઈ કાર્યવાહી હાથ ધરી છે.
તાપી જિલ્લાના વ્યારા તાલુકાના વીરપુર ગામે ૫૦ વર્ષીય આધેડ ઇલેશ ગામીતના ઘર નજીક લાકડા કાપવામાં આવ્યા હતા. એ લાકડાના પૈસાનો ભાગ કૌટુંબિક દોહિત્ર એ માંગ્યો હતો. પરંતુ પૈસા નહીં આપવામાં આવતા એની અદાવત રાખી આરોપી દોહિત્ર એ ઇલેશને માથાના ભાગે લાકડાના સપાટા અને તીક્ષ્ણ હથિયાર મારી દેતા તેઓનું મોત થયું હતું.
આ ઘટનાને લઈ વ્યારા પોલીસે ઘટના સ્થળે પહોંચી જઈ તપાસ હાથ ધરી હતી. જેમાં આરોપી મેહુલ ગામીત ફરાર થઇ ગયો હતો. જેને પોલીસે સેલવાસ નજીકથી ઝડપી લઈ હત્યા કરવાના ગુનામાં અટક કરી આરોપીની પૂછપરછ કરતા આરોપીએ લાકડાના પૈસાની ભાગબટાઈમાં હત્યા કરી હોવાની કબૂલાત કરતા પોલીસે કાર્યવાહી હાથ ધરી છે.