- બળવાન બળદોને કાબૂમાં રાખનારા નીડર યુવાનો તેમની બહાદુરી અને કૌશલ્ય પ્રદર્શિત કરે છે.
ચેન્નાઇ, તમિલનાડુમાં જલ્લીકટ્ટુ ફેસ્ટિવલ દરમિયાન બે લોકોના મોત થયા હતા. આ ઘટના તમિલનાડુના શિવગંગાઈ જિલ્લામાં બની હતી. આજે અહીં જલ્લીકટ્ટુ ઈવેન્ટ દરમિયાન બળદોએ એક છોકરા સહિત બે લોકોના જીવ લીધા હતા. બંને પીડિતો બળદને કાબૂમાં લેવાની રમત નિહાળતા દર્શકોની ભીડનો એક ભાગ હતા. આ દરમિયાન બળદ તેની સાથે અથડાઈ ગયો, જેના કારણે તે ખરાબ રીતે ઘાયલ થયો. જલ્લીકટ્ટુ દરમિયાન મોતની આ પહેલી ઘટના નથી. એક દિવસ પહેલા, તમિલનાડુના પાલમેડુમાં જલ્લીકટ્ટુ દરમિયાન ૧૪ પ્રાણી પ્રશિક્ષકો અને ૧૬ દર્શકો સહિત લગભગ ૪૨ લોકો ઘાયલ થયા હતા. આ પહેલા પણ આવા કિસ્સા નોંધાયા છે.
જલ્લીકટ્ટુ એ એક પરંપરાગત અને વિવાદાસ્પદ રમત છે જે પોંગલ તહેવાર દરમિયાન તમિલનાડુના ઘણા ભાગોમાં વર્ષોથી યોજાય છે. જલ્લીકટ્ટુ, બુલ ટેમિંગ સ્પોર્ટ, વર્ષોથી ચર્ચા અને લાંબી કાનૂની લડાઈનો વિષય છે. પ્રાણી અધિકાર સંગઠનોએ રમતમાં ભાગ લેનાર અને બળદ બંનેને ઈજા થવાના જોખમને ટાંકીને આ રમત પર પ્રતિબંધ મૂકવાની હાકલ કરી છે. જો કે, આ રમતના સમર્થકો આ રમત પર પ્રતિબંધ મૂકવાના કોઈપણ પગલાનો વિરોધ કરે છે.
મદ્રાસ હાઈકોર્ટના આદેશ બાદ ૨૦૦૬માં પહેલીવાર જલ્લીકટ્ટુ પર પ્રતિબંધ મૂકવામાં આવ્યો હતો. ૨૦૧૪માં સર્વોચ્ચ અદાલત દ્વારા પ્રાણીઓની ક્રૂરતાના આધારે આ રમત પર પ્રતિબંધ મૂકવામાં આવ્યો હતો, પરંતુ વિરોધ પછી, તમિલનાડુ સરકારે ૨૦૧૭ માં અસ્થાયી રૂપે પ્રતિબંધ ઉઠાવી લીધો હતો. આ પછી, રમતને નિયંત્રિત કરતા કાયદાઓમાં સુધારો કરવામાં આવ્યો. પ્રાણી અધિકાર જૂથોએ આ કાયદાને સુપ્રીમ કોર્ટમાં પડકાર્યો હતો.
તમિલનાડુ સરકારે, સુપ્રીમ કોર્ટમાં તેની દલીલોમાં, જલ્લીકટ્ટુને માત્ર મનોરંજન જ નહીં પરંતુ મહાન ઐતિહાસિક, સાંસ્કૃતિક અને ધામક મૂલ્યની ઘટના ગણાવી હતી. ગયા વર્ષે, સુપ્રીમ કોર્ટે ’જલ્લીકટ્ટુ’ ઇવેન્ટને મંજૂરી આપતા રાજ્ય સરકારના કાયદાને સમર્થન આપ્યું હતું. જસ્ટિસ કેએમ જોસેફની આગેવાની હેઠળની પાંચ જજોની બંધારણીય બેંચે કહ્યું કે જ્યારે વિધાનસભાએ ’જલ્લીકટ્ટુ’ને તમિલનાડુના સાંસ્કૃતિક વારસાનો ભાગ જાહેર કર્યો છે ત્યારે ન્યાયતંત્ર અલગ વિચાર ન લઈ શકે.કોર્ટે પોતાના આદેશમાં કહ્યું કે ક્રૂરતા રોકવા પ્રાણીઓ (તમિલનાડુ સુધારો) અધિનિયમ, ૨૦૧૭ રમતગમતમાં પ્રાણીઓ પ્રત્યેની ક્રૂરતાને નોંધપાત્ર રીતે પ્રતિબંધિત કરે છે.
તમને જણાવી દઈએ કે પોંગલના અવસર પર તમિલનાડુમાં જલ્લુકટ્ટુનું આયોજન કરવામાં આવે છે. આ સમય દરમિયાન, બળવાન બળદોને કાબૂમાં રાખનારા નીડર યુવાનો તેમની બહાદુરી અને કૌશલ્ય પ્રદશત કરે છે. આ સમય દરમિયાન આ પરંપરાગત રમતને માણવા માટે મોટી સંખ્યામાં લોકો ત્યાં એકઠા થાય છે.