મુંબઇ, ૨૦૨૧ માં, વિષ્ણુવર્ધન દ્વારા નિર્દેશિત ફિલ્મ ’શેરશાહ’ ૧૨ ઓગસ્ટના રોજ રીલિઝ થઈ હતી. આ ફિલ્મમાં સિદ્ધાર્થ મલ્હોત્રા અને કિયારા અડવાણી મુખ્ય ભૂમિકામાં હતા. આ ફિલ્મ ૧૯૯૯ના કારગિલ યુદ્ધ દરમિયાન શહીદ થયેલા કેપ્ટન વિક્રમ બત્રાના જીવન પર આધારિત હતી. સિદ્ધાર્થ મલ્હોત્રાએ ફિલ્મની રિલીઝના બે વર્ષ પૂર્ણ થવા પર ઈન્સ્ટાગ્રામ પર એક ઈમોશનલ નોટ શેર કરી છે. કેપ્ટન વિક્રમ બત્રાની ભૂમિકા ભજવીને સિદ્ધાર્થ મલ્હોત્રાએ લોકોના દિલમાં એક અલગ જ સ્થાન બનાવ્યું હતું. તેણે આ પાત્ર ખૂબ જ સારી રીતે ભજવ્યું છે.
સિદ્ધાર્થની તેની ભૂમિકા પ્રત્યેની પ્રતિબદ્ધતા પણ પ્રશંસનીય રહી છે. ૧૨ ઓગસ્ટે સિદ્ધાર્થે ફિલ્મના બે વર્ષ પૂરા થવા પર ઈન્સ્ટાગ્રામ પર શહીદ કેપ્ટન વિક્રમ બત્રાને યાદ કરીને હિન્દીમાં એક ઈમોશનલ નોટ લખી હતી. ’શેર શાહ’માં અભિનેતાએ વિક્રમ બત્રાની ભૂમિકા ભજવીને સૌના દિલ જીતી લીધા હતા. અભિનેતાએ પોસ્ટમાં લખ્યું, ’મને સ્ક્રીન પર વિક્રમ બત્રાનું પાત્ર ભજવવું ગમ્યું અને મને આ તક આપવા બદલ આભાર.’
સિદ્ધાર્થે આગળ લખ્યું, “કેપ્ટન વિક્રમ બત્રાના પાત્રને જીવવું અને સમજવું ખૂબ જ સુખદ અનુભવ હતો. તેમની હિંમત, તેમનો નિર્ભય વલણ, દેશ પ્રત્યેનો પ્રેમ અને જુસ્સો મને ઘણું શીખવ્યું છે. ૨ વર્ષ પહેલા આજના દિવસે શેર શાહ રિલીઝ થયો હતો, જેની વાર્તા અને પાત્ર તમને ખૂબ જ પસંદ આવ્યા હતા. જ્યારે પણ મારી સામે ૧૨ ઓગસ્ટની તારીખ આવે છે, ત્યારે મારું દિલ એક જ વાત કહે છે, ’યે દિલ માંગે મોર’, તમારા શેરશાહ.કિયારા અડવાણી અને સિદ્ધાર્થ મલ્હોત્રાની લવસ્ટોરી ફિલ્મ ’શેર શાહ’થી શરૂ થઈ હતી. આ પછી, વર્ષ ૨૦૨૩ માં, બંનેએ રાજસ્થાનની એક રોયલ હોટલમાં લગ્ન કર્યા.