મુંબઇ, એક્ટ્રેસ સુષ્મિતા સેન હાલમાં પેરિસમાં રજાઓ માણી રહી છે. એક્ટ્રેસે દીકરી અલીશા સેન સાથે પેરિસથી સોશિયલ મીડિયા પર ફેન્સ માટે વીડિયો શેર કર્યો છે, જેમાં બંને એફિલ ટાવરની સામે ડાન્સ કરતા જોવા મળ્યા હતા. આ વીડિયોમાં સુષ્મિતાની નાની દીકરી અલીશા સેલ્ફી બૂથમાં એન્જોય કરતી જોવા મળી હતી.
આ પછી સુષ્મિતા પણ તેમની સાથે જોડાય જાય છે, આ દરમિયાન બંને ખૂબ ખુશ દેખાય છે. વીડિયોમાં સુષ્મિતા બ્લેક ડ્રેસ સાથે સફેદ બ્લેઝરમાં જોવા મળી હતી. આ જ અલીશા ઓલ વ્હાઇટ લુકમાં જોવા મળી રહી છે. બંનેએ એફિલ ટાવરની સામે ડાન્સ પણ કર્યો હતો.
આ વીડિયો શેર કરતા સુષ્મિતા સેને જણાવ્યું કે તેમની દીકરી અભ્યાસ માટે વિદેશ જઈ રહી છે. વીડિયો શેર કરતા તેમણે લખ્યું કે,’ અભ્યાસ માટે વિદેશ જતા પહેલા મારી શોનાની પેરિસની પહેલી યાત્રા. સમય કેટલો ઝડપથી પસાર થાય છે. હું અમારો ડાન્સ હંમેશા યાદ રાખીશ, આઈ લવ યુ’. અત્રે ઉલ્લેખનીય છે કે, સુષ્મિતાને બે દીકરીઓ છે. મોટી દીકરી રેને બોલિવૂડમાં એન્ટ્રી કરી ચુકી છે અને અલીશા હજુ ભણી રહી છે.
સુષ્મિતાના આગામી પ્રોજેક્ટ્સની વાત કરવામાં આવે તો તે ટૂંક સમયમાં’ આર્ય ૩’ માં જોવા મળશે. અભિનેત્રીએ આર્યા ૩નું શૂટિંગ પૂર્ણ કરી લીધું છે. આ સિવાય તે વેબ સીરિઝ’તાલી’માં જોવા મળવાની છે. તાજેતરમાં જ નિર્માતાઓએ તેનું મોશન પોસ્ટર રિલીઝ કર્યું છે. આ સિરીઝમાં સુષ્મિતા ટ્રાન્સજેન્ડર એક્ટિવિસ્ટ ગૌરી સાવંતની ભૂમિકા ભજવશે.