સુરેન્દ્રનગર, સુરેન્દ્રનગર માલવણ-ધાંગધ્રા હાઇવે પર અકસ્માતમાં ત્રણના મોત નીપજ્યા છે. કાર અને ડમ્પર વચ્ચેના અકસ્માતમાં ત્રણના મોત નીપજ્યા છે. માલવણ હાઇવે સીએનજી પંપ પાસે મોડી રાત્રે આ ઘટના બની હતી.
અકસ્માતમાં ઇજા પામેલાઓને પાટડીની હોસ્પિટલમાં ખસેડાયા છે અને મૃતકોનું પોસ્ટમોર્ટમ પણ પાટડીની હોસ્પિટલમાં કરવામાં આવશે. મૃતકો ખેરવા, ગેડિયા અને કારેલા ગામના હોવાનું સામે આવ્યું છે. બજામા પોલીસે આગળની કાર્યવાહી હાથ ધરી છે.
ગુજરાતમાં અકસ્માત મોત હવે જાણે કોઈ નવાઈ જ રહી નથી. રોજ સવાર પડેને કોઈને કોઈ અકસ્માત બતાવે છે કે વાહનચાલકો કેટલા બેફામ છે અને કેટલી ગફલતથી વાહન ચલાવે છે. માનવ જીવન અમૂલ્ય છે, પરંતુ અહીં તો સરકારે એક મોતની કિંમત ચારથી પાંચ લાખ રૂપિયા મૂકી દીધી છે.