સુરેન્દ્રનગર, સુરેન્દ્રનગરમાં સળગાવેલી હાલતમાં માનવ અંગો મળી આવતા ચકચાર મચી છે. સાયલાના ગુંદિયાવડામાં માનવ અંગોને લઈ કુતૂહલ સર્જાયું છે. ધજાળા પોલીસને આ ઘટનાની જાણ થતાં સ્થળ પર દોડી આવી તપાસ હાથ ધરી છે. ધજાળા પોલીસ માનવ અંગોને રાજકોટ ફોરેન્સિક પી.એમ. અર્થે મોકલ્યા છે.
સુરેન્દ્રનગર જીલ્લાના સાયલા તાલુકામાં ગ્રામજનોને સળગાવેલી હાલતમાં માનવ અંગો મળી આવ્યા હતા. ગુંદિયાવડા ગામમાં માનવ શરીરનું હાડપિંજર મળી આવતા ભયનો માહોલ સર્જાયો હતો. સળગાવેલી હાલતમાં માનવ અંગો મળી આવતા ધજાળા પોલીસ ઘટના સ્થળે દોડી આવી હતી. પોલીસે આ મામલે સઘન તપાસ હાથ ધરી છે, આ માનવ અંગ કોનું હોઈ શકે, ક્યારે આ ઘટના બની હતી વગેરે સંદર્ભમાં વિગતવાર તપાસ કરવા પોલીસે માનવ અંગોને રાજકોટ ખાતે પોસ્ટમોર્ટમ માટે મોકલી દીધા છે. ફોરેન્સિક રિપોર્ટ આવતા આગળ કાર્યવાહી કરવામાં આવશે.