સુરત,સુરત શહેરમાં પકડાયેલ હાઈ પ્રોફાઈલ સટ્ટા બેટિંગના કૌભાંડમાં ચોંકાવનારી હકીક્ત સામે આવી રહી છે.સટ્ટાકિંગ તરીકે ઓળખાતા ગજુ ટેલરનું વિદેશમાં પણ મસમોટું નેટવર્ક હોવાનો પર્દાફાશ થયો છે.
ગુજરાતની અંદર સટ્ટા બેટિંગ રેકેટની કમર તોડવા પોલીસ ધમપછાડા કરી રહી છે અમદાવાદ બાદ હવે સુરત શહેર પણ સટ્ટા બેટિંગનું હબ બનાવવું પ્રયાસ કરાયા હોવાની હકીક્ત સામે આવી રહી છે અને દક્ષિણ ગુજરાતની અંદર સૌથી મોટું નામ ધરાવતા ગજ્જુ ટેલર સંચાલિત રેકેટ સામે આવ્યું છે. કોર્પોરેટ ઓફિસોને પણ ટક્કર મારે એવી વેસુમાં હાઈફાઈ ઓફિસને કૌભાંડનું હબ બનાવાયું હતું. ગજુ પાસે એક હજારથી વધુ આઈડી હોવાની હકીક્ત પોલીસ તપાસ દરમિયાન હજુ ઘણા નામો બહાર આવ તેવી શક્યતા વર્તાઈ રહી છે. સટ્ટા બેટીંગમાં પોલીસે હાલ તો ગજુ ટેલરને ઝડપી પાડયો છે. જોકે તેની સાથે સંકળાયેલાઓની પણ તપાસ દરમિયાન આગામી દિવસોમાં મોટુ નેટવર્ક બહાર આવે તેમ છે.
સુરત ક્રાઇમ બ્રાંચે ઈન્ટરનેશનલ ગેમ્સ પર સટ્ટાના મસમોટા રેકેટનો પર્દાફાશ કરી મોટા ગજાના સટોડિયા ગજુ ઉર્ફે ગજાનંદ ટેલરને સાણસામા લીધો હતો. તપાસમાં ગજુના સટ્ટાના નેટવર્કની વિગતો જાણી પોલીસ અધિકારીઓ મોટા રેકેટની શક્યતા વ્યક્ત કરી રહ્યા છે. ગજુનું સટ્ટા નેટવર્ક દેશની સરહદોને પણ પાર કરી ગયું હોવાની માહિતી સામે આવી રહી છે. શ્રીલંકા, થાઈલેન્ડ,દુબઈ માં સટ્ટાના ખેલ ખેલતા સટ્ટાકિંગ પાસે વિદેશમાં મોટું રોકાણ હોવાની વાત ચર્ચા ચાલી રહી છે.
સુરત શહેરના લક્ઝુરિયસ વેસુ વિસ્તારમાં ફ્લેટ ધરાવતા ગજુની વેસુમાં જે સ્થળેથી રેકેટ પકડાયું હતુ ત્યાં હાઈફાઈ ઓફિસ આવેલી છે. બિલ્ડરો-ઉદ્યોગપતિઓની ઓફિસને પણ ટક્કર મારે એવી વૈભવી ઓફિસ જોઈ ઉચ્ચ અધિકારીઓની આંખો પહોળી થઇ ગઇ હતી. ક્રાઈમ બ્રાન્ચ દ્વારા ઝડપી પાડેલ સટ્ટા બેટિંગની તપાસમાં કૌભાંડનો આંકડો કરોડો અને પાર પહોંચી શકે છે. ગુનામાં સંડોવાયેલા અન્ય મુખ્ય સૂત્રધાર હાલ અંડરગ્રાઉન્ડ થઈ ગયા હોવાની વિગતો પણ સામે આવી રહી છે. પોલીસ મામલાને લઈ ગુજરાતના અન્ય શહેરોમાં પણ તપાસનો ધમધમાટ શરૂ કરી શકે છે.