મુંબઇ, સની દેઓલ અને અમીષા પટેલ અભિનીત ફિલ્મ ’ગદર ૨’ની દર્શકો આતુરતાથી રાહ જોઈ રહ્યા છે. આ ફિલ્મ ઓગસ્ટમાં સિનેમાઘરોમાં આવશે. તેની રિલીઝ પહેલા દર્શકો માટે એક રસપ્રદ માહિતી સામે આવી છે. આ ફિલ્મમાં નાના પાટેકરની પણ એન્ટ્રી થઈ છે. ચાહકો સમાચાર સાંભળીને ચાહકોની ઉત્સુક્તામાં ઘણો વધારો થયો છે આ સાથે જ દરેક લોકોના મનમાં એ સવાલ પણ આવી રહ્યો છે કે નાના પાટેકર કયા રોલમાં જોવા મળશે!
આ ફિલ્મમાં નાના પાટેકર અભિનય કરતા જોવા મળશે નહીં. હા, અભિનેતા કોઈપણ પાત્રમાં દેખાશે નહીં, પરંતુ તેના અવાજ દ્વારા તેની હાજરીનો અહેસાસ કરાવશે. આ ફિલ્મમાં તે વોઈસ ઓવર આપતો જોવા મળશે. મળતી માહિતી મુજબ, નાના પાટેકરે ’ગદર ૨’ માટે વોઈસ ઓવર કર્યું છે. તેણે ’ગદર ૨’ માટે પોતાનો અવાજ આપ્યો છે. નાનાનો વોઈસ ઓવર ફિલ્મની શરૂઆતમાં જ દર્શકોને ’ગદર ૨’નો પરિચય કરાવશે.
જણાવી દઈએ કે ઓમ પુરીએ વર્ષ ૨૦૦૧માં આવેલી ફિલ્મ ’ગદર’માં પોતાનો અવાજ આપ્યો હતો. હવે તે આ દુનિયામાં નથી. આ વખતે તેમના સ્થાને નાના પાટેકર આ જવાબદારી નિભાવતા જોવા મળશે અને પોતાના દમદાર અવાજથી ફિલ્મને શાનદાર બનાવશે. ’ગદર ૨’ ૧૧ ઓગસ્ટે સિનેમાઘરોમાં રિલીઝ થશે.
’ગદર ૨’ રિલીઝ પહેલા જ સતત ચર્ચામાં છે. આ ફિલ્મ બોક્સ ઓફિસ પર અક્ષય કુમારની રહસ્ય ૨’ સાથે ટકરાશે. ફિલ્મમાં સની દેઓલ અને અમીષા પટેલ ઉપરાંત ઉત્કર્ષ શર્મા, સિમરત કૌર, લવ સિંહા અને ગૌરવ ચોપરા જેવા સ્ટાર્સ પણ જોવા મળશે.
રણબીર કપૂરની ફિલ્મ ’એનિમલ’ ૧૧ ઓગસ્ટે રિલીઝ થવાની હતી. આ ફિલ્મ સની દેઓલની ’ગદર ૨’ અને અક્ષય કુમારની ઓએમજી ૨’ સાથે ટકરાવાની હતી, પરંતુ બોક્સ ઓફિસની ટક્કર પહેલા સંદીપ વાંગા રેડ્ડીની ’એનિમલ’ને ડિસેમ્બર ૨૦૨૩ સુધી લંબાવી દેવામાં આવી છે.