ફતેપુરા : સુખસરમાં હાઈવે ઉપર 24 કલાક વાહનો તથા રાહદારી લોકોથી ધમધમતા હાઈવે માર્ગ ઉપરથી થ્રી વ્હિકલ રેકડા ચાલકે સ્ટિયરીંગ પરનો કાબુ ગુમાવતા બે મોટરસાયકલ સહિત એક રાહદારી મહિલાને અડફેટમાં લીધી હતી. જેમાં એક વ્યકિતને માથામાં ઈજાઓ પહોંચી હતી. જયારે એક ઉભેલી મોટરસાયકલને ટકકર મારતા નુકસાન થવા પામ્યુ હતુ.
સુખસર બસ સ્ટેશનથી આસપુર ચોકડી તરફ જતા હાઈવે ઉપરથી થ્રી વ્હિલર રેકડાના ચાલકે તેના કબ્જાના રેકડા ઉપરથી કાબુ ગુમાવતા એક ઉભેલી મોટરસાયકલને ટકકર મારતા મોટરસાયકલને નુકસાન થવા પામ્યુ હતુ. તેમજ આગળ મોટર સાયકલ ઉપર જતાં કપલને પાછળથી ટકકર મારી હતી. તેની સાથે એક રાહદારી મહિલાને પણ ટકકર મારતા નાના બાળકને સાથે પડી ગઈ હતી. જેમાં એક વ્યકિતને ઈજા પહોંચી હતી. તે બાદ રેકડાને આસપાસથી લોકોએ દોડી આવી ઉભો રાખી દીધો હતો. જેની પોલીસને જાણ કરાતા તાત્કાલિક સુખસર પોલીસ સ્થળ પર પહોંચી રેકડા સહિત કબ્જે લઈ કાયદેસરની કાર્યવાહી હાથ ધરી હતી.