મુંબઇ, કોલકાતા નાઈટ રાઈડર્સ (કેકેઆર)ના માલિક શાહરૂખ ખાન પોતાની ટીમને આઇપીએલ ૨૦૨૪ ચેમ્પિયન બનતા જોઈને ખૂબ જ ખુશ દેખાતા હતા. કિંગ ખાનની દીકરી સુહાના ખાન પણ કેકેઆરની ટ્રૉફી જીતવાની ક્ષણનો ભાગ બની હતી અને તે તેના પિતાને ગળે લગાવીને ભાવુક થઈ ગઈ હતી. શાહરૂખને ગળે લગાવવાનો તેનો વીડિયો વાયરલ થઈ રહ્યો છે, પરંતુ હવે એક નવો રિપોર્ટ સામે આવ્યો છે, જેમાં દાવો કરવામાં આવી રહ્યો છે કે સુહાના ખાન કેકેઆરના દિગ્ગજ બેટ્સમેન રિક્ધુ સિંહને ડેટ કરી રહી છે.
ગયા વર્ષે પણ રિક્ધુ અને સુહાનાના સંબંધોની અફવાઓ સામે આવી હતી, પરંતુ તે અહેવાલોમાંથી કોઈ નિષ્કર્ષ કાઢી શકાયો ન હતો. હવે ફરી એકવાર રિક્ધુની જોડી કિંગ ખાનની દીકરી સુહાના સાથે જોવા મળી રહી છે અને ચાહકો કૉમેન્ટ સેક્શનમાં તેમની જોડી પર ઘણો પ્રેમ વરસાવી રહ્યા છે, પરંતુ કેટલાક લોકો તેમને ટ્રોલ પણ કરી રહ્યા છે. ગયા વર્ષે ગુજરાત ટાઇટન્સ સામે રિક્ધુ સિંહની ઇનિંગ્સ પર સુહાનાની પ્રતિક્રિયા પણ વાયરલ થઈ હતી.
ગત વર્ષે રિક્ધુ સિંહ અને સુહાના ખાનના સંબંધોના સમાચાર ચરમસીમાએ હતા. તે પછી કોલકાતાના મેચ ફિનિશર્સમાંથી એક રિક્ધુ સિંહે એક મીડિયા ઈન્ટરવ્યૂમાં કહ્યું હતું કે તે સિંગલ છે અને કોઈ છોકરીને ડેટ કરી રહ્યો નથી. થોડા સમય પહેલા સચી મારવાહનું નામ તેની સાથે જોડવામાં આવી રહ્યું હતું, પરંતુ બાદમાં ખબર પડી કે સચી વાસ્તવમાં નીતીશ રાણાની પત્ની છે. આ સાથે રિક્ધુ રિલેશનશિપમાં હોવાના સમાચાર પર પૂર્ણવિરામ મૂકાયું હતું.
શાહરૂખ ખાનની દીકરી સુહાના ખાન ઘણા લોકો સાથે સંબંધો સાથે જોડાયેલી છે. એક સમયે ઈન્ટરનેટ પર્સનાલિટી અહાન પાંડે સાથેના તેના સંબંધોના સમાચાર ચરમસીમાએ હતા. અહાન ખરેખર બોલિવૂડ અભિનેત્રી અનન્યા પાંડેનો કઝીન છે. તેઓ એક સાથે સિનેમા હોલની બહાર નીકળતા પણ જોવા મળ્યા હતા. થોડા સમય પહેલા તે પીઢ અભિનેતા અમિતાભ બચ્ચનના પૌત્ર અગસ્ત્ય નંદાને ડેટ કરતો હોવાની ચર્ચાઓથી ઘેરાયેલો હતો. પરંતુ હવે રિક્ધુ સિંહ સાથે ડેટિંગના સમાચારની કોઇ પુષ્ટિ થઇ નથી.