ગોધરા સબ જેલ ખાતે રક્ષાબંધન પર્વની ઉજવણી કરવામાં આવી.જેલ પરિસર ખાતે બંદીવાન ભાઈઓ અને બહેનો ને પોતાના ભાઈઓ અને બહેનો સવારે 8.30 થી બપોરના 2 કલાક સુધી જેલ પરિસર ખાતે આવી રાખડી બાંધવાની છૂટ આપવામાં આવી.
ગોધરા સબ જેલ ખાતે પ્રજાપિતા બ્રહ્માકુમારી ઈશ્વરીય વિશ્વવિદ્યાલય દ્વારા આજ રોજ રક્ષાબંધન પર્વની ઉજવણી કરવામાં આવી હતી.જેમાં બ્રહ્મા કુમારી ની બહેનો દ્વારા જેલના બંદીવાન ભાઈઓ,બહેનો તથા સ્ટાફ અને કર્મચારીઓને પવિત્ર રાખડી બાંધી ઉજવણી કરી હતી.જે કાર્યક્રમ અંતર્ગત જેલ અધિક્ષક આર. બી.મકવાણા એ જણાવ્યું હતું કે જે બહેનોના સગા ભાઈઓ તથા ભાઈઓની સગી બહેનો જેલમાં બંધ છે.તેવા બંદીવાન ભાઈઓ અને બહેનો માટે આવતી કાલે સોમવાર તા.19.8.2024 રક્ષાબંધન પર્વ નિમિતે સવારના 8.30 કલાક થી બપોરના 2 કલાક સુધી રક્ષાબંધન બાંધવા માટેની વ્યવસ્થા જેલ પરિસર ખાતે કરવામાં આવી છે.