દાહોદ,દાહોદ જિલ્લા પોલીસ અને સુરક્ષા સેતુ સોસાયટી દ્વારા આયોજીત એસપીસીના કેડેટનો છ દિવસીય સમર કેમ્પ અંતર્ગત કલેક્ટર ડો. હર્ષિત ગોસાવીની ઉપસ્થિતિમાં કાર્યક્રમ એકલવ્ય મોડેલ રેસીડેન્સી સ્કુલ, ખરેડી ખાતે યોજાયો હતો. આ વેળા કલેક્ટરએ તેમજ જિલ્લા પોલીસ અધિક્ષક બલરામ મીણાએ પ્રાસંગિક પ્રવચન કર્યું હતું. જિલ્લા વિકાસ અધિકારી ઉત્સવ ગૌતમ, એએસપી જગદીશ બાંગરવા સહિતના અધિકારીઓ પણ ઉપસ્થિત રહ્યાં હતા. એસપીસીના છ દિવસીય સમર કેમ્પમા એસપીસી કેડેટ્સ વચ્ચે જી 20 સમિટ તથા મને શું થવું ગમે વિષય પર નિબંધ લેખન સ્પર્ધા રાખવામાં આવી હતી. તેમજ ડોકટરની ટીમ દ્વારા વિવિધ બીમારીઓ અને તેનાથી બચવા ઉપાયો બાબતે સમજ આપવામાં આવી હતી.