રિયાધ, ઈસ્લામમાં રમઝાનનું ખૂબ મહત્વ છે. રમઝાનનો પવિત્ર મહિનો ૧૦ માર્ચથી શરૂ થઈ રહ્યો છે, જે ૯ એપ્રિલ સુધી ચાલશે. રમઝાન પહેલા કટ્ટરપંથી ઈસ્લામિક દેશ સાઉદી અરેબિયાએ મોટું પગલું ભર્યું છે. સાઉદી અરેબિયાએ નિર્ણય લીધો છે કે આ વખતે રમઝાન પહેલા યોજાતી ઈફ્તાર પાર્ટીઓ નહીં યોજાય. પ્રિન્સ મોહમ્મદ બિન સલમાને પણ પોતાના નિર્ણયમાં કહ્યું છે કે ઈફ્તાર માટે દાન એકત્ર કરવા પર સંપૂર્ણ પ્રતિબંધ રહેશે.
સાઉદી અરેબિયાના ઈસ્લામિક બાબતોના મંત્રાલયે ૨૦ ફેબ્રુઆરીના એક આદેશમાં મસ્જિદના કર્મચારીઓને રમઝાન મહિના દરમિયાન સૂચનાઓનું પાલન કરવાનો આદેશ જારી કર્યો હતો. મંત્રાલયે ઈમામ અને મુઈઝીનને ઈતારની મિજબાનીઓનું આયોજન કરવા માટે નાણાકીય દાન એકત્ર કરવા પર પ્રતિબંધ મૂક્તા આદેશો પણ જારી કર્યા છે. ઠ પર એક પોસ્ટમાં, નોટિસના કેપ્શનમાં લખ્યું છે, “ઈસ્લામિક બાબતોના મંત્રાલયે પવિત્ર રમઝાન મહિના દરમિયાન મસ્જિદોને લગતી સંખ્યાબંધ સૂચનાઓ જારી કરી છે.”
સાઉદી અરેબિયાના ઈસ્લામિક બાબતોના મંત્રાલયે આ મામલામાં દલીલ કરી છે કે મસ્જિદોમાં સ્વચ્છતાને યાનમાં રાખીને આવું પગલું લેવામાં આવ્યું છે. હકીક્તમાં, મંત્રાલયનું કહેવું છે કે રમઝાન પહેલા મસ્જિદોમાં ઈફ્તાર પાર્ટીઓ પરિસરમાં ગંદકી ફેલાવે છે. તેથી, ઈફ્તાર પર સંપૂર્ણ પ્રતિબંધ રહેશે. આદેશમાં કહેવામાં આવ્યું છે કે, “દેશના પ્રદેશોમાં ઇમામ અને મુએઝિન્સ ઉપવાસ કરનારા લોકો અને અન્ય લોકો માટે ઈફ્તાર માટે દાન એકત્રિત કરશે નહીં.”
ઈસ્લામિક દેશ મસ્જિદોની અંદર ઈફ્તારની મિજબાનીઓનું આયોજન કરીને સ્વચ્છતા સાથે ચેડા કરવામાં આવી રહી છે તે અંગે ચિંતિત છે. “સ્વચ્છતાની ચિંતાઓને કારણે મસ્જિદોની અંદર ઈફ્તારના કાર્યક્રમોનું આયોજન ન કરવું જોઈએ, તેથી મસ્જિદોના આંગણામાં કામચલાઉ રૂમ, તંબુ વગેરેનો ઉપયોગ કર્યા વિના યોગ્ય જગ્યા તૈયાર કરવી જોઈએ, જ્યાં ઈતાર પીરસવામાં આવશે.” ઇમામ અને મુએઝીનની જવાબદારી હેઠળ, ઉપવાસ તોડનાર વ્યક્તિની જવાબદારી છે કે તે ભોજન પૂરું કર્યા પછી તરત જ વિસ્તારને સાફ કરે.”
આ સિવાય મંત્રાલયે એમ પણ કહ્યું છે કે મસ્જિદ પરિસરની અંદર કેમેરાનો ઉપયોગ ન કરવો જોઈએ. આદેશમાં કહેવામાં આવ્યું છે કે ઈમામ અને નમાઝ અદા કરતા લોકોને રેકોર્ડ કરવા માટે કેમેરાનો ઉપયોગ ન કરવો જોઈએ, કારણ કે તેનાથી તેમની શ્રદ્ધા નબળી પડે છે. મંત્રાલયે એવો આદેશ પણ જારી કર્યો છે કે સોશિયલ મીડિયા સહિત કોઈપણ માધ્યમો પર પ્રાર્થના પ્રસારિત થવી જોઈએ નહીં. તેથી, નમાજના સમયે મસ્જિદ પરિસરની અંદર કોઈ કેમેરાને મંજૂરી આપવામાં આવશે નહીં.