મુંબઇ, સોનુ સૂદે ભારત સરકારને અપીલ કરી છે કે શારીરિક રીતે અક્ષમ લોકોની જરૂરિયાત પર ધ્યાન આપવામાં આવે. તેમને બેસિક ગ્રૅચ્યુઇટી અને મિનિમમ પેન્શન પણ મળી રહે એ માટે પણ તેણે અપીલ કરી છે. કોરોના દરમ્યાન સોનુએ લોકોની ખૂબ જ મદદ કરી હતી. ત્યારથી તે લોકોની મદદ કરતો આવ્યો છે અને તે સતત સેવાનું કાર્ય કરતો રહે છે. સોનુએ હાલમાં જ એક વિડિયો શૅર કર્યો છે જેમાં તે શારીરિક રીતે અક્ષમ વ્યક્તિ સાથે જોવા મળી રહ્યો છે.
આ વિડિયોમાં સોનુ કહી રહ્યો છે કે ‘આજે હું ધર્મેન્દ્ર સાથે છું જે બિહારથી આવ્યો છે. મને હાલમાં જ ખબર પડી છે કે સરકાર શારીરિક રીતે અક્ષમવ્યક્તિને આપણા દેશમાં ૪૦૦ રૂપિયા આપે છે. તમે લોકો જ વિચારો કે ૪૦૦ રૂપિયામાં એક વ્યક્તિ કેવી રીતે તેનો ખર્ચો કાઢી શકે? હું આપણી અલગ-અલગ ગવર્નમેન્ટને કહેવા માગું છું કે ૪૦૦ રૂપિયામાં કંઈ નથી થતું અને એથી આપણી સરકારને હું અપીલ કરું છું કે આ સ્કીમ હેઠળ જે પૈસા આપવામાં આવે છે એને વધારવામાં આવે. હું નવા
વર્ષમાં આ શારીરિક રીતે અક્ષમ લોકોના હક માટે લડીશ. હું દરેક સ્ટેટ ગવર્નમેન્ટને વિનંતી કરું છું કે તેઓ આ લોકો માટે બેસિક ગ્રૅચ્યુઇટી અને મિનિમમ પેન્શનમાં વધારો કરે જેથી તેઓ તેમની જરૂરિયાત પૂરી કરી શકે.’