જયપુર,
કોંગ્રેસ નેતા સોનિયા ગાંધી તેમનો ૭૬મો જન્મદિવસ રાજસ્થાનના રણથંભોરમાં ઉજવી છે.તે ચાર દિવસના પ્રવાસે રાજસ્થાન આવી છે. કહેવામાં આવી રહ્યું છે કે સોનિયા ગાંધી પણ ભારત જોડો યાત્રામાં ભાગ લેશે. વડાપ્રધાન નરેન્દ્ર મોદીએ સોનિયા ગાંધીને જન્મદિવસની શુભેચ્છા પાઠવી છે. તેમણે ટ્વીટ કરીને લખ્યું કે ’શ્રીમતી સોનિયા ગાંધીને જન્મદિવસની શુભેચ્છાઓ. તેમના જન્મદિવસ પર તેમને લાંબા અને સ્વસ્થ જીવનની શુભેચ્છા.
વડાપ્રધાન નરેન્દ્ર મોદી ઉપરાંત કેન્દ્રીય મંત્રી નીતિન ગડકરીએ પણ સોનિયા ગાંધીને જન્મદિવસની શુભેચ્છા પાઠવી હતી. નીતિન ગડકરીએ ટ્વિટર પર સોનિયા ગાંધીને તેમના જન્મદિવસની શુભેચ્છા પાઠવી હતી અને તેમના સારા સ્વાસ્થ્યની કામના કરી હતી. આ સિવાય કોંગ્રેસના ઘણા નેતાઓએ પણ સોનિયા ગાંધીને તેમના ૭૬માં જન્મદિવસ પર અભિનંદન સંદેશો આપ્યા હતા.
કોંગ્રેસ અધ્યક્ષ મલ્લિકાર્જુન ખડગેએ સોનિયા ગાંધીને જન્મદિવસની શુભેચ્છા પાઠવી છે. ટ્વીટર પર સોનિયાને અભિનંદન આપતા ખડગેએ લખ્યું કે તેમની દયા, સમર્પણ અને ગરિમાએ લાખો લોકોને પ્રેરણા આપી છે. તેમને લાંબા અને સ્વસ્થ જીવનની શુભેચ્છા પાઠવી હતી. ભારતીય યુવા કોંગ્રેસના પ્રમુખ શ્રીનિવાસ બીવીએ ટ્વીટ કર્યું, દેશના નામે સર્વસ્વ બલિદાન આપનાર, હંમેશા બલિદાન અને સમર્પણનું ઉદાહરણ બેસાડનારા આવા નેતાઓ ભારતીય રાજકારણમાં બહુ ઓછા છે. હિંમત અને સમર્પણનો પર્યાય, અમારા નેતા શ્રીમતી સોનિયા ગાંધીને જન્મદિવસની શુભકામનાઓ. આ સિવાય કોંગ્રેસ પ્રવક્તા પવન ખેરાએ પણ સોનિયા ગાંધીને જન્મદિવસની શુભેચ્છા પાઠવી હતી.
સોનિયા ગાંધી તેમના જન્મદિવસના એક દિવસ પહેલા ગુરુવારે રાજસ્થાનના સવાઈ માધોપુર પહોંચ્યા હતા. અહીં પહોંચ્યા બાદ સોનિયા ગાંધીએ રાહુલ ગાંધી અને પ્રિયંકા ગાંધી સાથે સવાઈ માધોપુરના રણથંભોર સ્થિત જોગી મહેલની યાત્રા પણ કરી હતી. ગાંધી પરિવારે આ દરમિયાન રણથંભોર ટાઇગર સફારીનો પણ આનંદ માણ્યો હતો.ગાંધી પરિવાર રણથંભોર ટાઈગર રિઝર્વ પાસે આવેલા વૈભવી રિસોર્ટ સુજાન શેર બાગમાં રહે છે. જેના માલિક અંજલિ અને જેસલ સિંહ છે, જેઓ ગાંધી પરિવારના મિત્રો છે. ખાસ વાત એ છે કે પ્રિયંકા ગાંધીએ અંજલિ અને જેસલ સિંહ સાથે મળીને ’રણથંભોર: ધ ટાઈગર્સ રિયલમ’ પુસ્તકની સહલેખક છે.
જયપુરથી સોનિયા ગાંધી ગુરુવારે હેલિકોપ્ટર દ્વારા સવાઈ માધોપુર પહોંચ્યા હતા. થોડા કલાકો બાદ રાહુલ અને પ્રિયંકા પણ તેમની માતા પાસે આવેલા રિસોર્ટમાં પહોંચી ગયા હતા. સૂત્રોએ જણાવ્યું કે સોનિયા ગાંધીની સાથે પ્રિયંકા પણ ૧૦ ડિસેમ્બરના રોજ ભારત જોડો યાત્રામાં ભાગ લેશે, જે મહિલા સહભાગીઓ માટે આરક્ષિત દિવસ છે.