કપૂર ખાનદાન’માં ફરી એકવાર કિલકારી ગૂંજી છે. સોનમ કપૂરે બેબી બોયને જન્મ આપ્યો છે. પુત્રના આગમનની ખુશીમાં આખા ઘરમાં જશ્નનો માહોલ છે. અભિનેત્રી નીતુ કપૂરે સોશિયલ મીડિયા પોસ્ટ દ્વારા ફેન્સને આ ખુશખબર આપી છે. નીતુ કપૂરે તેના ઈન્સ્ટાગ્રામ પર એક નોટ શેર કરીને સોનમ કપૂર અને આનંદ આહુજાને અભિનંદન પાઠવ્યા છે. સોનમ કપૂરના પુત્રના આ દુનિયામાં આગમનની ઉજવણી ફેન્સ પણ કરી રહ્યા છે.
નીતૂ કપૂરે શેર કરી પોસ્ટ
આ મેસેજમાં સોનમ અને આનંદે કહ્યું કે તેઓએ 20 ઓગસ્ટ, 2022ના રોજ એક સુંદર પુત્રને જન્મ આપ્યો છે અને તેઓ ખૂબ જ ખુશ છે અને ભગવાનના આભારી છે. તેણે તમામ ડોકટરો અને નર્સોનો આભાર માન્યો છે અને કહ્યું છે કે આ તો માત્ર શરૂઆત છે પરંતુ તેઓ જાણે છે કે હવે તેમનું જીવન હંમેશા માટે બદલાઈ ગયું છે.
તમને જણાવી દઈએ કે સોનમ કપૂરે પુત્રને જન્મ આપ્યાની આ વાત સૌથી પહેલા રણબીર કપૂરની માતા અભિનેત્રી નીતુ કપૂરે શેર કરી છે અને તેની ઈન્સ્ટાગ્રામ સ્ટોરીમાં તેના નાના-નાની અનિલ કપૂર અને સુનીતા કપૂરને પણ અભિનંદન પાઠવ્યા છે. તેણે સ્ટોરી પર એક મેસેજ શેર કર્યો છે, જે સોનમ અને આનંદનો છે.