સ્થાનિક બુલિયન બજારમાં સપ્તાહના છેલ્લા ટ્રેડિંગ દિવસે શુક્રવારે સોનાના ભાવમાં ઘટાડો થયો હતો. એચડીએફસી સિક્યોરિટીઝના જણાવ્યા અનુસાર રાષ્ટ્રીય રાજધાની દિલ્હીમાં સોનાના ભાવમાં શુક્રવારે 43 રૂપિયાનો ઘટાડો નોંધાયો હતો. આ ઘટાડા સાથે સોનાનો ભાવ 10 ગ્રામ દીઠ 48,142 રૂપિયા થઈ ગયો છે. છેલ્લા સત્રમાં સોનું 10 ગ્રામ દીઠ 48,185 રૂપિયા પર બંધ થયું હતું.
શુક્રવારે સોના અને ચાંદીના સ્થાનિક ભાવમાં પણ ઘટાડો નોંધાયો હતો. ચાંદીમાં 36 રૂપિયાનો ઘટાડો નોંધાયો છે. આ ઘટાડાથી ચાંદીનો ભાવ 59,250 રૂપિયા પ્રતિ કિલોગ્રામ થઈ ગયો છે. છેલ્લા સત્રમાં ચાંદી 59,286 રૂપિયા પ્રતિ કિલોગ્રામ પર બંધ થઈ હતી.
વૈશ્વિક બજારમાં સોનું
વૈશ્વિક બજારમાં શુક્રવારે સાંજે સોનાના વાયદાના ભાવમાં ઘટાડો જોવા મળ્યો છે. બ્લૂમબર્ગના જણાવ્યા અનુસાર શુક્રવારે સાંજે વૈશ્વિક સોનાના વાયદાનો ભાવ 0.02 ટકા અથવા 0.40 ડોલર વધીને 1,811.60 ડોલર પ્રતિ ઔંસ થયો હતો. આ ઉપરાંત સોનાનો વૈશ્વિક સ્પોટ પ્રાઇસ 0.44 ટકા અથવા 7.95 ડોલર ઘટીને 1,807.85 ડોલર પ્રતિ ઔંસ પર ટ્રેડ થયો હતો.
વૈશ્વિક બજારમાં ચાંદી
વૈશ્વિક બજારમાં શુક્રવારે સાંજે ચાંદીના વાયદા અને સ્પોટ ના ભાવમાં ઘટાડો જોવા મળ્યો હતો. બ્લૂમબર્ગના જણાવ્યા અનુસાર, માર્ચ 2021 ફ્યુચર્સ ચાંદી 0.41 ટકા અથવા 0.10 ડોલર ઘટીને શુક્રવારે સાંજે 23.35 ડોલર પ્રતિ ઔંસ પર આવી હતી. આ ઉપરાંત વૈશ્વિક સ્તરે ચાંદીનો ભાવ 0.80 ટકા અથવા 0.19 ડોલર ઘટીને 23.23 ડોલર પ્રતિ ઔંસ પર ટ્રેડ થયો હતો.