સંતરામપુર તાલુકાના ગોધર ખાતે આવેલ સ્વામિનારાયણ મંદિર વાસણા સંસ્થા (જખટજ) સંચાલિત તીર્થધામ ગોધરના આંગણે ભવ્ય ગુરૂપૂર્ણિમા મહોત્સવનું આયોજન કરવામાં આવનાર છે. તારીખ 14 જુલાઈ 2024ને રવિવારના રોજ સવારે નવ વાગ્યા થી બપોરે એક વાગ્યા સુધીમાં વિવિધ કાર્યક્રમ યોજાશે. આ દિવ્ય પ્રસંગે પરબ્રહ્મ પુરૂષોતમનારાયણની મૂર્તિમાં અખંડ રહેનારા અને ભગવાન સ્વામિનારાયણે જેમને સ્વયં સ્વહસ્તે દિક્ષા આપી છે. એવા સ્વસિધ્ધ અનાદિમુકત સત્પુરૂષ એટલે ગુરૂવર્ય પ.પૂ.સત્યસંકલ્પદાસજી સ્વામી. આવા સમર્થ સદગુરૂના દિવ્યભાવે દર્શન, પૂજન અને સમાગમથી ધન્ય થઈ ગુરૂપૂર્ણિમાના પ્રતિક ઉત્સવને માણવા અને ગુરૂઋણ અદા કરવા મિત્ર, વર્તુળ પરિવાર સહિત પધારવા સંસ્થાના વરિષ્ઠ અને ગોધર ઝોનના પ્રભારી સંત પૂ.નિર્ગુણજીવનદાસજી સ્વામીનું ભાવભીનું આમંત્રણ છે. તીર્થધામ ગોધરના આંગણે ભવ્ય ગુરૂપૂર્ણિમા મહોત્સવની ઉજવણીને ધ્યાને લઈ હાલ તડામાર તૈયારીઓ ચાલી રહી છે.