ધોધંબા, ઘોઘંબા તાલુકામાં આવેલ એસ.પી.પટેલ આર્ટ્સ કોલેજ સિમલીયા તથા નહેરૂ યુવા કેન્દ્ર ગોધરાના સંયુક્ત ઉપક્રમે આજરોજ મતદાતા જાગૃતિ કાર્યક્રમ કોલેજ ટ્રસ્ટી મંડળના પ્રમુખ નટવરસિંહ ચૌહાણના અધ્યક્ષ સ્થાને યોજાયો હતો. ધારાસભ્ય ફતેસિંહ ચૌહાણે યુવા મતદાતાઓને મતદાન કરી ભારતીય લોકશાહીને મજબૂત બનાવવા માટે માર્ગદર્શન આપ્યું હતું. કોલેજના પ્રિન્સિપાલ ડો. ડી.આર.અમીન, નર્સિંગ કોલેજના પ્રિન્સીપાલ ભાવનાબેન બારીયા, નહેરૂ યુવા કેન્દ્રના પ્રતિનિધિ પ્રિતાબેન જાદવ, માજી સરપંચ ભગવાનસિંહ ઠાકોર, સ્ટાફગણ અને વિદ્યાર્થીઓ મોટી સંખ્યામાં ઉપસ્થિત રહ્યા હતા. પ્રા. હરિપ્રસાદ કામોલે સ્વાગત કર્યું હતું.