ભાવનગરના સિહોર નજીક પીપરલા ગામના વાડી વિસ્તારમાં ગઈકાલે સાંજે યુવાન ઉપર છરી વડે જીવલેણ હુમલો કરી હત્યા કરી આરોપીઓ નાસી છૂટ્યા હતા. બનાવની જાણ થતા પોલીસ કાફલો ઘટના સ્થળે દોડી ગયો હતો. ખૂન ના આ બનાવની મળતી માહિતી મુજબ ભાવનગર જિલ્લાના સિહોર નજીકના પીપરલા ગામ ના વાડી વિસ્તારમાં દીપકભાઈ પ્રભુભાઈ ચૌહાણ ઉ.વ .૪૦ (રહે રાજગોર ની શેરી સિહોર) નામના યુવાન ઉપર અજાણ્યા શખ્સોએ છરીના ઘા ઝીંકી દઈ ઘાતકી હત્યા કરી નાસી છૂટ્યા હતા.
આ બનાવની જાણ થતા જ શિહોર પોલીસનો કાફલો ઘટના સ્થળે દોડી ગયો હતો અને તપાસ હાથ ધરી હતી.પોલીસે મૃતદેહને પીએમ માટે સિહોર હોસ્પિટલ ખસેડી વધુ તપાસ હાથ ધરી છે. બનાવવાની જાણ થતાં કોળી સમાજ ના આગેવાનો હોસ્પિટલ દોડી ગયા હતા. આ બધા અંગે સિહોર પોલીસ વધુ તપાસ ચલાવી રહી છે.