બીજીંગ, રોકડની કટોકટીનો સામનો કરી રહેલા શ્રીલંકાની આથક મુશ્કેલીઓ દૂર કરવા માટે શ્રીલંકાના વડાપ્રધાન દિનેશ ગુણવર્દના ચીનની મુલાકાતે હતા, જે આજે પૂર્ણ થઈ છે. દરમિયાન, શ્રીલંકાએ શનિવારે એક સંયુક્ત નિવેદનમાં જણાવ્યું હતું કે ચીન શ્રીલંકાની નાણાકીય મુશ્કેલીઓને હળવી કરવા અને દેવાની સ્થિરતા હાંસલ કરવાના તેના પ્રયાસોમાં સકારાત્મક ભૂમિકા ભજવશે, જ્યારે શ્રીલંકા બીઆરઆઇ સહકાર પ્રોજેક્ટના નિર્માણને વેગ આપશે.
શ્રીલંકાના વડા પ્રધાન દિનેશ ગુણવર્દને તેમની ચીનની અઠવાડિયાની સત્તાવાર મુલાકાત પૂર્ણ કરી. સંયુક્ત નિવેદનમાં બોઆઓ ફોરમ ફોર એશિયા એન્યુઅલ સમિટમાં તેમની ભાગીદારી દરમિયાન ચીનના રાષ્ટ્રપતિ શી જિનપિંગ અને વડા પ્રધાન લી ક્વિઆંગ સાથેની તેમની વાતચીત દરમિયાન ચર્ચા કરવામાં આવેલા કરારો પર પ્રકાશ પાડવામાં આવ્યો હતો.
દિનેશ ગુણવર્દેનાની મુલાકાત દરમિયાન, બંને દેશો બેલ્ટ એન્ડ રોડ સહયોગને વધુ ગાઢ બનાવવા, બેલ્ટ એન્ડ રોડ કોઓપરેશન પ્લાનની રચનાને વેગ આપવા અને કોલંબો પોર્ટ સિટી પ્રોજેક્ટ અને ઈન્ટિગ્રેટેડ ડેવલપમેન્ટ પ્રોજેક્ટને આગળ વધારવા માટે દરેક શક્ય પ્રયાસ કરવા સંમત થયા હતા. સંયુક્ત નિવેદનમાં કહેવામાં આવ્યું છે કે હંબનટોટા પોર્ટ બંને દેશો વચ્ચે બેલ્ટ એન્ડ રોડ સહયોગનો સહી પ્રોજેક્ટ છે.
ઉલ્લેખનીય છે કે બેલ્ટ એન્ડ રોડ ઇનિશિયેટિવએ ચીનનો મહત્વાકાંક્ષી બહુ-દેશી વૈવિયસભર ઇન્ફ્રાસ્ટ્રક્ચર પ્રોજેક્ટ છે. સંયુક્ત નિવેદન અનુસાર, શ્રીલંકા તેની નાણાકીય સંભવિતતાની ટીકા છતાં બીઆરઆઇ સહકાર યોજનાના નિર્માણને વેગ આપવા સંમત છે. જ્યારે શ્રીલંકાએ ૨૦૨૨ માં તેની પ્રથમ સાર્વભૌમ ડિફોલ્ટની જાહેરાત કરી, ત્યારે ચીન શ્રીલંકાનું સૌથી મોટું દ્વિપક્ષીય ધિરાણર્ક્તા હતું, જે તેના ૪૦ બિલિયનના બાહ્ય દેવુંના ૫૨ ટકા ધરાવે છે. શ્રીલંકાને દેવું દેનારા સત્તર દેશોએ ગયા વર્ષે ડેટ રિસ્ટ્રક્ચરિંગ વાટાઘાટો માટેના પગલાંની ચર્ચા કરવા માટે એક સમિતિની રચના કરી હતી, પરંતુ ચીને માત્ર નિરીક્ષક તરીકે ભાગ લેવાનું પસંદ કર્યું હતું.