ગોધરા, વડતાલ લક્ષ્મીનારાયણ ગાદીના અજેન્દ્ર પ્રસાદજી મહારાજના 75 માં વર્ષ એટલે કે અમૃત મહોત્સવ ના ઉપલક્ષમાં સમગ્ર ગુજરાતની અંદર જે કાળઝળ ગરમી પડી રહી છે. ત્યારે અબોલ પશુ-પક્ષી માટે પીવાના પાણી માટેના નિ:શુલ્ક કુંડા વિતરણનો કાર્યક્રમ ગોધરા બસ મથકની સામેના વિસ્તારમાં આજે યોજવામાં આવ્યો હતો. ગોધરાના વૃતાલય વિહારમ શ્રી સ્વામિનારાયણ મંદિર અને શ્રી લક્ષ્મીનારાયણ યુવક મંડળના ભક્તો દ્વારા આજે ગોધરા બસ મથકની સામે સ્ટોલ લગાવી 500 થી વધુ પક્ષીઓને પીવાના પાણી માટેના કુંડાનું નિ:શુલ્ક વિતરણ કરવામાં આવ્યું હતું. આ કાર્યક્રમમાં મોટી સંખ્યામાં શહેરીજનોએ નિ:શુલ્ક પાણીના કુંડા મેળવ્યા હતા અને કાળજાળ ગરમીમાં અબોલ પક્ષીઓ માટે આ કુંડા મારફતે પાણીની વ્યવસ્થા કરવાની નેમ લીધી હતી.