શ્રી ગોવિંદ ગુરુ યુનિવર્સિટીના કુલપતિ ડો. પ્રતાપસિંહ ચૌહાણની પ્રેરણાથી તેમના અધ્યક્ષ પદે અને શેઠ ટી સી કાપડિયા આર્ટ્સ એન્ડ કોમર્સ કોલેજ, બોડેલીના આચાર્ય ડો. હસમુખભાઈ કોરાટના અતિથિ વિશેષપદે તેમજ સાહિત્ય પરિષદના મંત્રી સમીર ભટ્ટ, યુનિવર્સિટીના કુલસચિવ ડો. હેમેન્દ્ર વોરા, ગુજરાતી વિભાગના અધ્યક્ષ ડો.ભાવેશ જેઠવા તથા એકેડેમિક એડવાઈઝર ડો. કુમાર જૈમિનિ શાસ્ત્રીના સંકલન હેઠળ શ્રી ગોવિંદ ગુરુ યુનિવર્સિટી, વિંઝોલ – ગોધરા અને ગુજરાતી સાહિત્ય પરિષદ, અમદાવાદના સંયુક્ત ઉપક્રમે આગામી તારીખ 31 ઓગસ્ટ અને 1 સપ્ટેમ્બર 2024 ના રોજ. બી એ પી એસ સ્વામિનારાયણ મંદિર, રામનગર, ગોધરા ખાતે દોઢ દિવસની ગઝલ પ્રશિક્ષણ કાર્યશાળા ગોધરા ખાતે યોજવામાં આવી છે.
જેમાં ગઝલ લેખન શીખવા ઈચ્છતા પચાસ સહભાગીઓ ઉપસ્થિત રહેશે. ગુજરાતના નામાંકિત ગઝલકારો આ કાર્યશાળામાં પૂરો સમય હાજર રહીને યુનિવર્સિટી સંલગ્ન છાત્રો તેમજ અન્ય આમંત્રિત સહભાગીઓને ગઝલ સાહિત્યસ્વરૂપની સંપૂર્ણ સમજ અને તાલીમ આપશે. સહભાગીઓ તથા પ્રશિક્ષકોને માટે ભોજન – નિવાસ અને અન્ય તમામ સુવિધાઓ યુનિવર્સિટી અને સાહિત્ય પરિષદ દ્વારા કરવામાં આવી છે. કાર્યશાળામાં ભાગ લેનાર સહભાગીઓને સમાપન સમારંભમાં પ્રમાણપત્ર એનાયત કરવામાં આવશે.