મુંબઇ, મહારાષ્ટ્રમાં ભૂતકાળમાં અનેક ધાર્મિક રમખાણો થયા છે. આ અંગે શિવસેના (ઉદ્ધવ બાળાસાહેબ ઠાકરે)એ પોતાના મુખપત્ર સામનામાં એક લેખ દ્વારા મુખ્યમંત્રી શિંદે અને ગૃહમંત્રી ફડણવીસની સરકાર પર નિશાન સાધ્યું છે. તેમણે કહ્યું કે, તોફાનો કરીને રાજકીય રોટલા શેકવાનો ભાજપનો ધંધો પેઢીઓથી ચાલે છે અને જેમ જેમ ચૂંટણી નજીક આવે છે તેમ તેમ આ ધંધામાં રોકાણ વધે છે.
તેણે જવું જોઈએ, કારણ કે તે બંધારણ, રાષ્ટ્રીય એક્તા અને ધાર્મિક લાગણીને બાયપાસ કરીને સત્તા માટે ઝંખનારા લોકોથી ઘેરાયેલા છે. સામનામાં કહ્યું કે મહારાષ્ટ્રના હિત માટે રાજ્યની જનતાએ સાવધાન રહેવું પડશે. મહારાષ્ટ્રમાં રમખાણોની પ્રયોગશાળા ખોલીને ભાજપ અને તેના સમર્થકો સામાજિક સમરસતાને ખલેલ પહોંચાડીને મતોનું ધ્રુવીકરણ કરવાનો પ્રયાસ કરી રહ્યા છે.
અકોલા શહેર અને અહમદનગર જિલ્લાના શેવગાંવ ગામમાં સાંપ્રદાયિક અથડામણ થઈ હતી, જેમાં એક વ્યક્તિનું મોત થયું હતું અને ૧૩ અન્ય ઘાયલ થયા હતા. અન્ય એક ઘટનામાં, એક અલગ ધર્મના સભ્યોએ કથિત રીતે નાશિક જિલ્લાના પ્રસિદ્ધ ત્ર્યંબકેશ્ર્વર મંદિરમાં બળજબરીપૂર્વક પ્રવેશ કરવાનો પ્રયાસ કર્યો હતો, જેના પગલે રાજ્ય સરકારે મામલાની તપાસ માટે વિશેષ તપાસ ટીમની રચના કરી હતી.
ફડણવીસની ગઠબંધન સરકાર સત્તામાં આવી ત્યારથી રાજ્યમાં વારંવાર ધાર્મિક અને સામાજિક તણાવ જોવા મળી રહ્યો છે. તેમણે આક્ષેપ કર્યો છે કે કેટલાક મુદ્દાઓ પરસ્પર સમજણથી ઉકેલી શકાય છે, પરંતુ એવું લાગે છે કે તેઓ સમાજમાં ભાગલા પાડીને ચૂંટણી લડવા માંગે છે, જેમ કે તેમણે મહારાષ્ટ્રમાં સરકાર બનાવવા માટે શિવસેનાને તોડી નાખી હતી.
શેવગાંવ અને નાસિકમાં તાજેતરમાં બનેલી ઘટનાઓ ચિંતાનું કારણ છે. મહારાષ્ટ્રમાં રાજકીય કારણોસર જાણીજોઈને સામાજિક તણાવ ઉભો કરવામાં આવી રહ્યો છે અને આ વ્યવસ્થિત અને આયોજનબદ્ધ રીતે કરવામાં આવી રહ્યું છે.