શિકાગો, અમેરિકાના શિકાગોમાં એક ભારતીય વિદ્યાર્થી ૨ મેથી ગુમ છે. ૨૫ વર્ષીય માસ્ટર્સ સ્ટુડન્ટ રૂપેશ ચંદ્ર ચિંતકીંડીના ગુમ થવાથી તેના હૈદરાબાદ સ્થિત પરિવારને ચિંતા થઈ ગઈ છે અને તેઓ તેને શોધવાના તમામ પ્રયાસો કરી રહ્યા છે.
અહેવાલ મુજબ, શિકાગોમાં ભારતના કોન્સ્યુલેટ જનરલ અને સ્થાનિક પોલીસ વિસ્કોન્સિનની કોનકોડયા યુનિવસટીના માસ્ટરના વિદ્યાર્થી ચિંતકિંડીને શોધવાનો પ્રયાસ કરી રહી છે. શિકાગોમાં ભારતના કોન્સ્યુલેટ જનરલે જણાવ્યું હતું કે, “કોન્સ્યુલેટ એ જાણીને ખૂબ જ ચિંતિત છે કે ભારતીય વિદ્યાર્થી રૂપેશ ચંદ્ર ચિંતકીંડી ૨ મેથી સંપર્કમાં નથી.” “તે રૂપેશ સાથે સંપર્ક કરવા/સ્થાપિત કરવાની આશા રાખે છે.”
શિકાગો પોલીસે પણ લોકો પાસેથી મદદ માંગી છે અને ૨૫ વર્ષીય ભારતીય વિદ્યાર્થીને શોધવામાં મદદ કરી શકે તેવી કોઈપણ માહિતી માંગી છે. રૂપેશ ચિંતાકિંડીએ તેના પિતા સાથે છેલ્લીવાર ૨ મેના રોજ વાત કરી હતી. “તેમણે કહ્યું કે તે કંઈક કામ કરી રહ્યો છે. પછીથી, હું તેનો સંપર્ક કરી શક્યો નહીં, અને ત્યારથી તે ઓફલાઇન છે.”
યુએસમાં ભારતીય વિદ્યાર્થીઓના ગુમ થવાના અહેવાલો વધી રહ્યા છે. ગયા મહિને, ઓહાયોનો એક વિદ્યાર્થી, મોહમ્મદ અબ્દુલ અરફાથ, એક મહિનાથી ગુમ થયા બાદ મૃત હાલતમાં મળી આવ્યો હતો. એક અઠવાડિયા પહેલા અન્ય એક ભારતીય વિદ્યાર્થી ઉમા સત્ય સાઈ ગડ્ડે ઓહાયોમાં મૃત હાલતમાં મળી આવ્યો હતો.