મુંબઇ,
આ સપ્તાહના છેલ્લા ટ્રેડિંગ દિવસે શુક્રવારે શેરબજારમાં મોટો ઘટાડો જોવા મળી રહ્યો છે. નેશનલ સ્ટોક એક્સચેન્જ આજે ૨૮૭.૬૦ પોઈન્ટના ઘટાડા સાથે ૧૭,૬૦૪.૩૫ ના સ્તર પર બંધ થયો છે. બોમ્બે સ્ટોક એક્સચેન્જ ૮૭૪.૧૬ પોઈન્ટના ઘટાડા સાથે ૫૯,૩૩૦.૯૦ પર બંધ રહ્યો હતો. બીજી તરફ હિંડનબર્ગના રિપોર્ટ બાદ અદાણી ગ્રુપના શેરમાં સતત ઘટાડો જોવા મળી રહ્યો છે, જેના કારણે અદાણી ગ્રુપની કંપનીઓના માર્કેટ કેપમાં ૨.૮૩ લાખ કરોડનો ઘટાડો થયો છે.
છેલ્લા ટ્રેડિંગ દિવસે એટલે કે બુધવારે બજાર બંધ થયું ત્યાં સુધી અદાણી ગ્રુપના તમામ સાત શેરમાં ઘટાડો જોવા મળ્યો, જેના કારણે તે દિવસે કંપનીઓના માર્કેટ કેપમાં ૪૬,૦૮૬ કરોડનો ઘટાડો થયો. આ પછી, ગણતંત્ર દિવસના કારણે બીજા દિવસે ગુરુવારે બજાર બંધ કરવામાં આવ્યું હતું અને જ્યારથી આજે બજાર ખુલ્યું છે, ત્યારથી સતત ઘટાડો જોવા મળી રહ્યો છે.
અદાણી ગ્રૂપના પાંચ શેરો એટલે કે અદાણી એન્ટરપ્રાઈઝ, અદાણી ટોટલ ગેસ, અદાણી ટ્રાન્સમિશન, અદાણી ગ્રીન એનર્જી અને અદાણી પોર્ટ્સ એન્ડ એસઈઝેડ નીચલી સર્કિટને અથડાયા હતા. હિંડનબર્ગના રિપોર્ટ બાદ અદાણી ગ્રુપના ૭ શેરોમાં ૨૩% સુધીનો ઘટાડો થયો છે, જેના કારણે કંપનીઓનું માર્કેટ કેપ અત્યાર સુધીમાં ૨.૮૩ લાખ કરોડનું નુક્સાન થયું છે.
અદાણી ગ્રુપના શેરમાં સતત ઘટાડો ગૌતમ અદાણીની નેટવર્થ પર પણ અસર કરી રહ્યો છે. હિંડનબર્ગ રિપોર્ટ બાદ વિશ્ર્વના ૧૦ સૌથી ધનિક લોકોની યાદીમાં સામેલ ગૌતમ અદાણી ચોથા સ્થાનેથી સાતમા સ્થાને આવી ગયા છે.