મુંબઇ,એક્ટ્રેસ શર્લિન ચોપરાએ મુંબઈના જુહુ પોલીસ સ્ટેશનમાં ફાઈનાન્સર વિરુદ્ધ ફરિયાદ નોંધાવી છે. શર્લિન આ વ્યક્તિ પર છેડતી, દુર્વ્યવહાર અને જાનથી મારી નાખવાની ધમકી આપવાનો આરોપ લગાવ્યો છે. શર્લિને ફરિયાદમાં દાવો કર્યો છે કે આરોપીએ પૈસા આપવાના બહાને તેની છેડતી કરી હતી.
ફરિયાદ અનુસાર, આરોપીએ વીડિયો રેકોર્ડિંગ માટે પૈસા આપવાના બહાને શલનની છેડતી કરી હતી. જ્યારે એક્ટ્રેસે વિરોધ કર્યો, ત્યારે ફાઇનાન્સરે તેની સાથે દુર્વ્યવહાર કરવાનું શરૂ કર્યું અને જાનથી મારી નાખવાની ધમકી પણ આપી હતી. જેના પગલે શર્લિને તેની વિરુદ્ધ જુહુ પોલીસમાં ફરિયાદ નોંધાવી.
શલન અગાઉ સાજિદ ખાન અને શિલ્પા શેટ્ટીના પતિ રાજ કુંદ્રા પર ગંભીર આરોપો લગાવી ચૂકી છે. ’બિગ બોસ ૧૬’ દરમિયાન શલને સાજિદને શોમાંથી બહાર કાઢવાનો પૂરો પ્રયાસ કર્યો હતો. આટલું જ નહીં સાજિદને શોમાં રાખવા માટે તેણે સલમાન ખાન પર નિશાન સાધ્યું હતું. શર્લિને કહ્યું હતું કે, શું સલમાન ખાન માટે તેની મિત્રતા જાળવી રાખવી વધુ મહત્વપૂર્ણ છે કે મહિલાઓ માટે સ્ટેન્ડ લેવું. જો આપણે તેની બહેનો હોત તો શું તેણે પણ આવું જ કર્યું હોત? તે અને બીજા બધા કેમ ચૂપ છે? સાજિદને ત્યાં સેલિબ્રિટી તરીકે બતાવવામાં આવી રહ્યો છે અને બધા ચૂપ છે.
રાખી અને શર્લિન નો આંકડો ૩૬ હતો, જોકે તેઓ છેલ્લા કેટલાક સમયથી મિત્રો બની ગયા છે. વાસ્તવમાં, રાખીએ હંમેશા ’મી ટૂ મૂવમેન્ટ’માં સાજિદ અને રાજ કુંદ્રાને સપોર્ટ કર્યો છે, જેના કારણે તેણી અને શર્લિન વચ્ચે ઝઘડો થયો છે. ગયા વર્ષે બંનેએ એકબીજા પર કાદવ ઉછાળ્યો હતો અને એફઆઈઆર પણ નોંધાવી હતી. શલને રાખી વિરુદ્ધ કહ્યું હતું કે, ’જ્યારે પણ હું મહિલાઓના શોષણના વિરોધમાં અવાજ ઉઠાવું છું ત્યારે રાખી સાવંત જેવા કીડાઓ આવીને મને વેશ્યા કહે છે.’