મુંબઇ, સપ્તાહના છેલ્લા ટ્રેડિંગ દિવસે શેરબજારમાં વેચવાલીનો દબદબો રહ્યો હતો. શેરબજાર તૂટ્યું. બજાર ખુલતાની સાથે જ ઘટતું રહ્યું. બંધ બેલ પર સેન્સેક્સ ૪૫૪ પોઈન્ટ ઘટીને ૭૨,૪૮૪.૮૨ પોઈન્ટ પર બંધ રહ્યો હતો. શુક્રવારે શેરબજારમાં ભારે વેચવાલી જોવા મળી હતી. વૈશ્વિક બજારના નબળા વલણો અને વિદેશી મૂડીની ઉપાડને કારણે સ્થાનિક શેરબજારમાં મજબૂત વેચવાલી જોવા મળી હતી.
સેન્સેક્સ અને નિફ્ટી બંને ઘટ્યા હતા. બીએસઈમાં નબળી શરૂઆત બાદ ૩૦ શેરો વાળા ઈન્ડેક્સ સેન્સેક્સ ૪૫૩.૮૫ પોઈન્ટ અથવા ૦.૬૨ ટકાના ઘટાડા સાથે ૭૨,૬૪૩.૪૩ પોઈન્ટ પર બંધ થયા છે. ટ્રેડિંગ દરમિયાન એક સમયે સેન્સેક્સ ૬૧૨.૪૬ પોઈન્ટ ઘટીને ૭૨,૪૮૪.૮૨ પર હતો. નેશનલ સ્ટોક એક્સચેન્જનો ઈન્ડેક્સ નિફ્ટી પણ ૧૨૩.૩૦ પોઈન્ટ અથવા ૦.૫૬ ટકા ઘટીને ૨૨,૦૨૩.૩૫ પોઈન્ટ પર બંધ થયો હતો. આ રીતે, એક દિવસ બજાર ફરી વેચવાલી દબાણ હેઠળ આવી ગયું.
ગુરુવારે, સેન્સેક્સ આગલા દિવસના ભારે ઘટાડામાંથી રિકવર કરવામાં સફળ રહ્યો હતો. સેન્સેક્સ ૩૩૫.૩૯ પોઈન્ટ અથવા ૦.૪૬ ટકા જ્યારે નિફ્ટી ૧૪૮.૯૫ પોઈન્ટ અથવા ૦.૬૮ ટકા ઉપર હતો. સેન્સેક્સ ગ્રૂપમાં સમાવિષ્ટ કંપનીઓમાં મહિન્દ્રા એન્ડ મહિન્દ્રા, ટાટા મોટર્સ, એનટીપીસી, એચસીએલ ટેક્નોલોજીસ, લાર્સન એન્ડ ટુબ્રો, ઈન્ફોસિસ, ટેક મહિન્દ્રા અને સ્ટેટ બેન્ક ઓફ ઈન્ડિયાને સૌથી વધુ નુક્સાન થયું હતું.
બીજી તરફ, ભારતી એરટેલ, બજાજ ફાઇનાન્સ, બજાજ ફિનસર્વ, ટાટા કન્સલ્ટન્સી સર્વિસીસ અને ઇન્ડસઇન્ડ બેન્ક ઉછાળા સાથે બંધ થયા હતા. એશિયાના અન્ય બજારોમાં દક્ષિણ કોરિયાનો કોસ્પી, જાપાનનો નિક્કી અને હોંગકોંગનો હેંગસેંગ ઘટાડા સાથે બંધ રહ્યો હતો, જ્યારે ચીનનો શાંઘાઈ કમ્પોઝિટ સુધારા સાથે બંધ રહ્યો હતો. યુરોપિયન બજારો મામૂલી ઉછાળા સાથે કારોબાર કરી રહ્યા હતા. ગુરુવારે અમેરિકન બજારોમાં ઘટાડો નોંધાયો હતો. શેરબજારના ડેટા અનુસાર, વિદેશી સંસ્થાકીય રોકાણકારોએ ગુરુવારે રૂ. ૧,૩૫૬.૨૯ કરોડના શેરનું ચોખ્ખું વેચાણ કર્યું હતું. વ્યાપક બજારમાં,બીએસઇ મિડકેપ ઇન્ડેક્સ ૦.૫૧ ટકા ઘટ્યો હતો જ્યારે સ્મોલકેપ ઇન્ડેક્સ ૦.૨૫ ટકા વધ્યો હતો.
જિયોજિત ફાઇનાન્શિયલ સર્વિસીસ ના રિસર્ચ હેડ વિનોદ નાયરે જણાવ્યું હતું કે મિડકેપ અને સ્મોલકેપ શેરો પ્રત્યે સાવધાની રાખવાથી બજારનું સેન્ટિમેન્ટ નબળું પડ્યું છે, જેના કારણે બ્રોડર માર્કેટમાં ઘટાડો થયો છે. જોકે, વૈશ્વિક કોમોડિટીના ભાવમાં નરમાઈ અને નાણાકીય વર્ષ ૨૦૨૪-૨૫ માટે ભારતની જીડીપી વૃદ્ધિની આગાહીએ સ્થાનિક માંગને મજબૂત કરવાની આશાઓ વધારી છે. આંતરરાષ્ટ્રીય ઓઇલ સ્ટાન્ડર્ડ બ્રેન્ટ ક્રૂડ ૦.૬૮ ટકા ઘટીને ઇં૮૪.૮૪ પ્રતિ બેરલ થઈ ગયું છે.