- આજે આપણે ભલે સત્તામાં ન હોઈએ, પરંતુ અમે લોકોના હૃદયમાં છીએ.
મુંબઇ, રાષ્ટ્રવાદી કોંગ્રેસ પાર્ટીના વડા શરદ પવારે આજે પાર્ટીની બેઠક બોલાવી હતી. આ પછી કાર્યર્ક્તાઓને સંબોધતા તેમણે કહ્યું કે ચિંતા કરવાની જરૂર નથી, અમે કોઈને એનસીપીનું પ્રતીક છીનવા દઈશું નહીં. આ દરમિયાન, એનસીપી સુપ્રીમોએ તેમના ભત્રીજા અજિત પવાર દ્વારા બોલાવવામાં આવેલી મીટિંગ સાથે સંબંધિત સ્ટેજ પર તેમનો પોતાનો ફોટો દર્શાવવા સામે વાંધો ઉઠાવ્યો હતો. તેણે કહ્યું કે જે લોકો તેમની તસવીરનો ઉપયોગ કરી રહ્યા છે તેઓ જાણે છે કે તેમની પાસે બીજું કંઈ નથી.
તેમણે અહીં ચવ્હાણ સેન્ટરમાં એનસીપી નેતાઓ અને કાર્યકરોને સંબોધિત કર્યા. તેમની બેઠકમાં પાર્ટીના એક ડઝન જેટલા ધારાસભ્યો પહોંચ્યા હતા. એનસીપીના કુલ ધારાસભ્યોની સંખ્યા ૫૩ છે. પવારે ભાજપ સાથે જવા માટે તેમના ભત્રીજા અજિત પવારની ટીકા કરી હતી અને નોંધ્યું હતું કે તેમની પાર્ટી સાથે સંકળાયેલી ઘટનાના થોડા દિવસો પહેલા વડા પ્રધાન નરેન્દ્ર મોદીએ એનસીપીને ભ્રષ્ટ પક્ષ ગણાવ્યો હતો.
એનસીપીના ચૂંટણી ચિહ્ન પર દાવો કરવા માટે અજિત પવારના જૂથે ચૂંટણી પંચનો સંપર્ક કર્યા પછી, શરદ પવારે કહ્યું કે તેઓ કોઈને પણ પક્ષનું પ્રતીક છીનવી લેવા દેશે નહીં. તેમણે કહ્યું, “થોડા દિવસો પહેલા તેમણે (અજિત પવાર) મુખ્ય પ્રધાન એકનાથ શિંદેની મજાક ઉડાવતા કહ્યું હતું કે તેમણે આટલા વર્ષોમાં આવા મુખ્ય પ્રધાન જોયા નથી. પણ હવે તે શિંદે સાથે ગયો છે.
૧૯૯૯માં એનસીપીની રચના થઈ ત્યારે લોકો સાથેના તેમના જોડાણને યાદ કરતા પવારે કહ્યું, આજે આપણે ભલે સત્તામાં ન હોઈએ, પરંતુ અમે લોકોના હૃદયમાં છીએ. નાયબ મુખ્યમંત્રી જોડાયા છે અને તેમની સાથે પાર્ટીના આઠ ધારાસભ્યોએ પણ મંત્રી તરીકે શપથ લીધા છે. અજિત પવારના જૂથે દાવો કર્યો છે કે તેમની પાસે પાર્ટીના કુલ ૫૩ ધારાસભ્યોમાંથી ૪૦ ધારાસભ્યોનું સમર્થન છે.
શરદ પવાર સાથેની બેઠકમાં ભાગ લેનારા ધારાસભ્યોમાં અનિલ દેશમુખ, રોહિત પવાર, રાજેન્દ્ર શિંગને, અશોક પવાર, કિરણ લહમતે, પ્રાજક્તા તાનપુરે, બાળાસાહેબ પાટીલ, જિતેન્દ્ર આવ્હાડ, ચેતન વિઠ્ઠલ ટોપે, જયંત પાટીલ, રાજેશ ટોપે, સંદીપ ક્ષીરસાગર, દેવેન્દ્ર ભુયારનો સમાવેશ થાય છે.
આ સિવાય ૩ એમએલસી બાબાજાની દુર્રાની, શશિકાંત શિંદે અને એકનાથ ખડસે પણ બેઠકમાં હાજર રહ્યા હતા. લોક્સભાના સાંસદો શ્રીનિવાસ પાટીલ, સુપ્રિયા સુલે, અમોલ કોલ્હે અને રાજ્યસભાના સાંસદો ફૌઝિયા ખાન અને વંદના ચવ્હાણે પણ હાજરી આપી હતી. શરદ પવારે બેઠકમાં કહ્યું કે શિવસેના સાથે જે થયું તે આજે દ્ગઝ્રઁ સાથે થઈ રહ્યું છે. પાર્ટી છોડીને જનારાઓ માટે ખરાબ લાગે છે. તેમણે કહ્યું કે પાર્ટી પોતાના કાર્યર્ક્તાઓના બળ પર અહીં સુધી પહોંચી છે. જો કોઈ સમજૂતી ન થાય તો વાતચીત દ્વારા ઉકેલ લાવવો જોઈતો હતો.શરદ પવારે કહ્યું, દેશ જોઈ રહ્યો છે કે શું થઈ રહ્યું છે. અમે અમારા નેતાઓ સાથે વારંવાર વાતચીત કરી હતી. આપણે હજી ઘણી લાંબી મજલ કાપવાની છે. અમે શાસક પક્ષ સાથે નથી, અમે જનતા સાથે છીએ. અમે સત્તાના ભૂખ્યા નથી.