મુંબઇ,
કસ્ટમ્સે મુંબઈ એરપોર્ટ પર બે અલગ-અલગ કેસમાં રૂ. ૩૧.૨૯ કરોડની કિંમતનું ૪.૪૭ કિલો હેરોઇન અને રૂ. ૧૫.૯૬ કરોડનું ૧.૫૯૬ કિલો કોકેન જપ્ત કર્યું હતું. આ કેસમાં બે લોકોની ધરપકડ કરવામાં આવી છે.પ્રથમ કિસ્સામાં, જોહાનિસબર્ગથી નૈરોબી થઈને કેન્યા એરવેઝ પર મુંબઈ એરપોર્ટ પર ઉતરેલા ભારતીય નાગરિકને પેસેન્જર પ્રોફાઇલિંગના આધારે અટકાવવામાં આવ્યો હતો.તપાસ દરમિયાન પેસેન્જર પાસેથી ૪૪૭૦ ગ્રામ હેરોઈન મળી આવ્યું હતું જે તેણે ૧૨ ડોક્યુમેન્ટ ફોલ્ડર કવરમાં હોશિયારીથી છુપાવીને રાખ્યું હતું.
પોલીથીનના કવરમાં પેક કરાયેલ હેરોઈનના પાતળા સ્તર ફોલ્ડર કવરની અંદર રાખવામાં આવ્યા હતા. જપ્ત કરાયેલા ડ્રગ્સની બજાર કિંમત ૩૧.૨૯ કરોડ રૂપિયા છે. મુસાફરની ધરપકડ કરીને તેને ૧૪ દિવસની ન્યાયિક કસ્ટડીમાં મોકલી દેવામાં આવ્યો છે.
અન્ય એક કિસ્સામાં, આદિસ અબાબાથી ઇથોપિયન એરલાઇન્સની લાઇટમાં મુંબઇ ઉતરેલા ભારતીય મુસાફરને ગ્રીન ચેનલ પર બેગેજ સ્કેનિંગ દરમિયાન અટકાવવામાં આવ્યો હતો. સામાન સ્કેનિંગ દરમિયાન, અધિકારીએ મશીનમાં બટનોમાં લીલા રંગ સાથે શંકાસ્પદ શેડ જોયો. બટનો પણ સંખ્યામાં અતિશય લાગતા હતા અને કપડાં પર અસામાન્ય રીતે એકબીજાની નજીક મૂકવામાં આવ્યા હતા.
શંકાના આધારે પેસેન્જરના સામાનની ઝીણવટભરી તપાસ કરવામાં આવતા તેની પાસેથી ૧૫૯૬ ગ્રામ કોકેઈન મળી આવ્યું હતું. તેની ગેરકાયદેસર બજાર કિંમત લગભગ ૧૫.૯૬ કરોડ રૂપિયા છે. કુર્તાના બટનમાં અને લેડીઝની બેગમાં કોકેઈનને હોશિયારીથી છુપાવવામાં આવ્યું હતું. મુસાફરની ધરપકડ કરીને તેને ૧૪ દિવસની ન્યાયિક કસ્ટડીમાં મોકલી દેવામાં આવ્યો છે. વધુ તપાસ ચાલુ છે.