મુંબઇ,બોલિવૂડના ’કિંગ ખાન’ એ ફરી એકવાર પોતાની લોકપ્રિયતા સાબિત કરી છે ટાઇમ્સ મેગેઝિન દ્વારા આયોજિત ૨૦૨૩ મેગેઝિન ૧૦૦ પોલમાં તેણે ટોચનું સ્થાન મેળવ્યું છે. આ પોલમાં મેગેઝિનના વાચકોએ સૌથી પ્રભાવશાળી વ્યક્તિઓની વાર્ષિક યાદીમાં સ્થાન મેળવવા માટે લાયક એવા વ્યક્તિત્વને પોલમાં વોટ આપ્યો હતો.
આ પોલમાં કુલ મળીને ૧૨ લાખથી વધુ લોકોએ વોટ કર્યા, જેમાંથી શાહરૂખ ખાન ૪ ટકા વોટ મેળવીને ટોપ પર છે. તેમના સિવાય હોલીવુડ અભિનેત્રી મિશેલ યોહ, વિશ્ર્વની સૌથી પ્રખ્યાત ટેનિસ ખેલાડીઓમાંથી એક સેરેના વિલિયમ્સ, મેટાના સીઈઓ માર્ક ઝુકરબર્ગ અને દક્ષિણ અમેરિકી દેશ બ્રાઝિલના રાષ્ટ્રપતિ લુઈઝ ઈનાસિયો લુલા ડી સિલ્વાનો આ યાદીમાં સમાવેશ થાય છે.
વિશ્ર્વના પ્રખ્યાત ફૂટબોલર અને આર્જેન્ટિનાની વર્લ્ડ કપ વિજેતા ટીમના કેપ્ટન લિયોનેલ મેસ્સી આ યાદીમાં પાંચમા સ્થાને છે, જેમને ૧.૮ ટકા વોટ મળ્યા છે. ગયા વર્ષે પોતાની કારકિર્દીનો પહેલો વર્લ્ડ કપ જીતનાર લિયોનેલ મેસ્સી આ પહેલા ફ્રાન્સના ફૂટબોલ મેગેઝિન દ્વારા આપવામાં આવેલ ’બેલોન ડી’ઓર એવોર્ડ’ સાત વખત જીતી ચૂક્યો છે.