મુંબઇ, ભારતના મુખ્ય તહેવારોમાંનો એક દિવાળી ટૂંક સમયમાં આવી રહી છે. દરેક વ્યક્તિ આ તહેવારની ઉજવણી કરવા માંગે છે.બોલિવૂડમાં તેની કોરિયોગ્રાફી માટે પ્રખ્યાત ફરાહ ખાન માત્ર એક ઉત્તમ નૃત્યાંગના જ નહીં પરંતુ એક તેજસ્વી નિર્દેશક પણ છે. ફરાહની ગણતરી ઇન્ડસ્ટ્રીના પ્રખ્યાત નિર્દેશકોમાં થાય છે, જેમણે બોલિવૂડને ’મેં હું ના’, ’ઓમ શાંતિ ઓમ’ અને ’હેપ્પી ન્યૂ યર’ જેવી ઘણી ફિલ્મો આપી છે. છેલ્લા ઘણા સમયથી મોટા પડદાથી દૂર રહેલી ફરાહ ખાન વિશે સમાચાર આવી રહ્યા છે. કેટલાક અહેવાલોમાં દાવો કરવામાં આવી રહ્યો છે કે ફરાહ ખાન કેટલીક ફિલ્મોમાં કામ કરી રહી છે, જેમાંથી એક શાહરૂખ ખાન સાથે હશે.
ફરાહ ખાન ડાયરેક્શનની દુનિયામાં પરત ફરવાની તૈયારી કરી રહી છે. ડિરેક્ટર તરીકે ફરાહ બે-ત્રણ સ્ક્રિપ્ટ પર કામ કરી રહી છે, જેમાંથી એક તે શાહરૂખ ખાન સાથે બનાવવા માંગે છે. કિંગ ખાનની સાથે ફરાહ ભૂષણ કુમાર અને રોહિત શેટ્ટી સાથે કામ કરવા તૈયાર છે. એક રિપોર્ટ અનુસાર, ફરાહ ખાન શાહરુખ ખાન સાથે ’મેં હૂં ના’ જેવી સ્ક્રિપ્ટ માટે કામ કરી રહી છે.
રિપોર્ટમાં સૂત્રોને ટાંકીને દાવો કરવામાં આવ્યો છે કે, ’ફરાહ શાહરૂખ ખાન દ્વારા નિર્મિત મૈં હૂં નાની તર્જ પર એક સ્ક્રિપ્ટ પર કામ કરી રહી છે. આ અંગે ટૂંક સમયમાં રેડ ચિલીઝના શેરધારકો સાથે ચર્ચા કરવામાં આવશે. ભૂષણ કુમારની ફિલ્મ વિશે વાત કરીએ તો, ફરાહે ચુપકે ચુપકેની સિક્વલ માટે સ્ક્રિપ્ટ ફાઈનલ કરી છે. રિપોર્ટ અનુસાર, સ્ક્રિપ્ટ તૈયાર છે, પરંતુ મેર્ક્સે હજુ સુધી ફિલ્મ માટે કાસ્ટિંગ વિશે વિચાર્યું નથી. રોહિત શેટ્ટી સાથેની ફિલ્મ માટે હજુ વાતચીત ચાલી રહી છે.
ફરાહ ખાનના વર્ક ફ્રન્ટની વાત કરીએ તો, તેના નિર્દેશનમાં બનેલી છેલ્લી ફિલ્મ ૨૦૧૪માં રિલીઝ થયેલી ’હેપ્પી ન્યૂ યર’ હતી. આ ફિલ્મમાં શાહરૂખ ખાન, દીપિકા પાદુકોણ, સોનુ સૂદ જેવા કલાકારો મુખ્ય ભૂમિકામાં હતા. આ સાથે જ જો રિપોર્ટ્સનું માનીએ તો ફરાહ ખાન જલ્દી જ ફેમસ ડાન્સ રિયાલિટી શો ’ઝલક દિખલા જા’માં જજની ખુરશી પર બેઠેલી જોવા મળશે.