શહેરા, શહેરા નગર પાલિકા ખાતે વિકસિત ભારત સંકલ્પ યાત્રાનો કાર્યક્રમ વિધાનસભા ગૃહના ઉપાધ્યક્ષ જેઠાભાઈ ભરવાડના અધ્યક્ષસ્થાને યોજાયો હતો. નગરજનો એ વિકસિત ભારત સંકલ્પ યાત્રા પહોંચતા ઉમંગભેર સ્વાગત કર્યું હતું.
શહેરા નગર પાલિકા કચેરી ખાતે વિકસિત ભારત સંકલ્પ યાત્રા કાર્યક્રમ વિધાનસભા ગૃહના ઉપાધ્યક્ષ જેઠાભાઇ ભરવાડ અને મામલતદાર, ચીફ ઓફિસર તેમજ પાલિકા પ્રમુખની ઉપસ્થિતિમાં યોજાયો હતો. વિકસિત ભારત સંકલ્પ યાત્રા રથનુ નગરજનો દ્વારા ભવ્ય સ્વાગત કરવામાં આવ્યુ હતું. વિધાનસભાના ડેપ્યુટી સ્પીકર જેઠાભાઈ ભરવાડ, મામલતદાર ધર્મેન્દ્ર પટેલ, જીલ્લા ભાજપ ઉપપ્રમુખ જીગ્નેશભાઈ પાઠક, ભાજપ પ્રભારી પરેશભાઈ ચૌહાણ,પાલિકા પ્રમુખ રચનાબેન જીગ્નેશ કુમાર શાહ, તાલુકા પંચાયત પ્રમુખ પુંજીબેન હાજાભાઈ ચારણ સહિત મહાનુભાવોના હસ્તે દીપ પ્રાગટ્ય કરીને કાર્યક્રમની શરૂઆત કરવામાં આવી હતી. ઉજ્જવલા યોજના સહિત અન્ય વિવિધ યોજના અંતર્ગત લાભાર્થીઓને લાભ આપવામાં આવ્યા હતા. આ કાર્યક્રમમાં આવેલા નગરજનો સરકારની વિવિધ લાભકારી યોજનાઓની માહિતી આપવામાં આવી હતી. આ કાર્યક્રમમાં મામલતદાર ધર્મેન્દ્ર પટેલ, પાલીકા ચોફ ઓફિસર તેજલબેન, જીગ્નેશ પાઠક, તાલુકા ભાજપ પ્રમુખ મગનભાઈ પટેલિયા, નગર અગ્રણી બીપીનભાઈ પ્રજાપતિ, અંબાલાલભાઈ વાળંદ તેમજ નગરપાલિકાના એન્જિનિયર જીગ્નેશભાઈ શાહ, સેનેટરી ઇન્સ્પેક્ટર જીતેન્દ્રસિંહ રાઠોડ સહિત મોટી સંખ્યામાં નગરજનો અને લાભાર્થીઓ ઉપસ્થિત રહ્યા હતા.