શહેરા, શહેરા નગરના હોળી ચકલા વિસ્તારમાં આવેલ ભાવસાર હોસ્પિટલમાં ભારત એમ.ડી. અને ભાવસાર હોસ્પિટલના સહયોગથી નિશુલ્ક વ્યંધત્વ નિદાન કેમ્પનું આયોજન કરવામાં આવ્યું હતું. સ્થાનિક તાલુકા સહીત જીલ્લામાંથી 155 થી વધુ નિ:સંતાન દંપતિઓએ આ કેમ્પનો લાભ લીધો હતો. ડોક્ટર રાજેશ પંજાબી આઇ.વી.એફ.સ્પેશિયાલિસ્ટ અને ગાયનેકોલોજીસ્ટ ડોકટર દીપ ભાવસાર દ્વારા નિ:સંતાન, શુક્રાણુંમાં ખામી, ગર્ભાશયમાં ગાંઠ, વારંવાર ટેસ્ટ ટ્યુબ બેબીમાં નિષ્ફળતા મળેલ હોય તેમજ લગ્નજીવનને ઘણો સમય થયો હોવા છતાં નિ:સંતાન હોય તેવા દંપતિઓની તપાસ કરવામાં આવી હતી અને તેઓને વ્યંધત્વ નિવારણ માટે માર્ગદર્શન પૂરૂં પાડવામાં આવ્યું હતું. દિવસ દરમિયાન આ કેમ્પમાં નિ:સંતાન દંપતિઓએ લાભ લઈને અનેક આશાઓ સાથે ચહેરા પર ખુશી લઈને જતા જોવા મળી રહયા હતા.