શહેરા, શહેરામાં સોલંકી ફળિયા પાસે કેનાલ પાસે અવર જવરનો માર્ગ છે. ચેનલ પાસે રેલિંગો મુકવામાં નહિ આવતા વાહનો તેમજ રાહદારીઓને અંદર પડી જવાનો ભય સતાવી રહ્યો છે. અગાઉ ચાર-પાંચ વાર બકરીઓ પણ પડવાના કારણે બકરીઓના મોત નીપજયાં હતા.આ વિસ્તારના બાળકો ભણવા માટે કેનાલ નજીક થઈને જતા હોઈ કોઈ કેનાલમાં પડી ના જાય તેનો ભય સેવાઈ રહ્યો છે. કેનાલમાં રેલિંગ માટે લાગતા વળગતા તંત્ર બે માસ અગાઉ પણ સર્વે કરી ગયા હતા. હજુ સુધી અહિં રેલીંગ મુકવામાં આવી નથી જે વહેલી તકે અહિંયા રેલીંગો મુકવામાં આવે તેવી સ્થાનિક લોકો દ્વારા માંગ ઉઠવા પામી છે.