શહેરા તાલુકાના માતરીયા વ્યાસ ગામે રહેતા આરોપીએ પોતાના ધરમાં ઈંગ્લીશ દારૂનો જથ્થો રાખેલ છે તેવી બાતમીના આધારે પોલીસે રેઈડ કરી ધરમાં ઈંગ્લીશ દારૂની બોટલો નંગ-73 કિ.રૂ.9,235/-ના મુદ્દામાલ સાથે એક મહિલાને ઝડપી પાડવામાં આવી હતી.
પ્રાપ્ત માહિતી અનુસાર શહેરા તાલુકાના માતરીયા વ્યાસ ગામે રહેતી ચંદ્રિકાબેન બારીયા અને પ્રવિણભાઈ રંગીતભાઈ બારીયાએ પોતાના રહેણાંક મકાનમાં ઈંગ્લીશ દારૂનો જથ્થો વેચાણ માટે રાખેલ છે તેવી બાતમીના આધારે શહેરા પોલીસે રેઈડ કરી ધરમાંથી ભારતીય બનાવટનો ઈંગ્લીશ દારૂની નાની-મોટી બોટલ નંગ-73 કિ.રૂ.9,235/-ના મુદ્દામાલ સાથે ચંદ્રિકાબેન પ્રવિણભાઈ બારીયાને ઝડપી પાડવામાં આવ્યા હતા. જયારે રેઈડ દરમિયાન પ્રવિણભાઈ બારીયા મળી આવ્યા ન હતા. આ બાબતે શહેરા પોલીસ મથકે પ્રોહિબિશન એકટ હેઠળ ગુનો નોંધાવવા પામ્યો છે.