શહેરા તાલુકાના જુના લીંબોદ્રા ખાતે ટ્રેકટર ચાલકે બાઈકને અડફેટે લેતા બાઈક ચાલકને ઈજાઓ થતાં સારવાર અર્થે ખસેડાયો હતો.
પંચમહાલ જિલ્લાના શહેરા તાલુકાના જુના લીંબોદ્રા ગામે આવેલી પ્રાથમિક શાળા પાસેથી એક બાઈક સવાર પસાર થઈ રહ્યો હતો. તે સમય દરમિયાન રેતી ભરીને પસાર એક ટ્રેકટર ચાલકે બાઈકને અડફેટે લેતા બાઈક ચાલક ઉપર રોડ પટકાતા બાઈક સવાર ઈજાઓ પહોંચતા તેને સારવાર અર્થે તાત્કાલિક ખાનગી વાહન મારફતે ગોધરા સિવિલ હોસ્પિટલ ખસેડાયો હતો. જયાંથી વધુ સારવાર માટે વડોદરા એસ.ઓ.જી.હોસ્પિટલમાં રિફર કરાયો હતો. ઈજાગ્રસ્ત બાઈક ચાલક લીંબોદ્રા ગામની ડેરીમાં દુધ ભરીને ધર તરફ જઈ રહ્યો હતો. તે સમયે ટ્રેકટર ચાલકે બાઈકને અડફેટે લેતા અકસ્માત સર્જાયો હતો. બનાવની જાણ આસપાસના રહિશોને જાણ થતાં તાત્કાલિક બનાવ સ્થળે દોડી આવ્યા હતા.