શહેરા, શહેરા તાલુકા ધાયકા પ્રા.શાળા શિક્ષકે દ્વિતિય ઉચ્ચત્તર પગાર ધોરણ માટેની દરખાસ્તમાં સી.સી.સી.નું ખોટું પ્રમાણપત્ર બનાવી સાચા તરીકે ઉપયોગ કરી છેતરપિંડી કરતાં આ બાબતે શહેરા પોલીસ મથકે ફરિયાદ નોંધાવા પામી.
પ્રાપ્ત વિગતો મુજબ શહેરા તાલુકાના ધાયકા પ્રાથમિક શાળામાં શિક્ષક તરીકે ફરજ બજાવતા ચૌહાણ પ્રધ્યુમનસિંહ પર્વતસિંહ (રહે. રતનપુર,કાંટડી) એ તેઓની દ્વિતીય ઉચ્ચત્તર પગાર ધોરણની દરખાસ્તમાં સી.સી.સી.પ્રમાણપત્ર ખોટું બનાવી અને બનાવટી હોવા છતાં સાચા તરીકે ઉપયોગ કરી સરકાર સાથે છેતરપિડી કર્તા કરી કચેરીને ગેરમાર્ગે દોડી ગુન્હો કરતાં આ બાબતે શહેરા પોલીસ મથકે ફરિયાદ નોંધાવા પામી.
બોકસ:
ચકાસણી નિયામક કચેરી દ્વારા ગુજરાત કાઉન્સિલીંગ ઓફ વોકેશનલ ટ્રેનિંગની વેબસાઇટ ઉપર ઓનલાઈન જોતા પ્રદ્યુમનસિંહનું સીસીસીનું પ્રમાણપત્ર મળી આવ્યું ન હતું. જેથી સંયુક્ત પગાર ચકાસણી એકમ ગાંધીનગર દ્વારા ગુજરાત કાઉન્સિલીંગ ઓફ વોકેશનલ ટ્રેનિંગનું સીસીસીનું પ્રમાણપત્ર ખોટું અને બનાવટી હોવાનું બહાર આવ્યું.