શહેરા,શહેરા પોલીસે તાલુકાના ધામણોદ ગામના ઠાકરીયા ફળિયામાં આવેલા એક મકાનમાંથી રૂપિયા 36 હજારનો વિદેશી દારૂનો જથ્થો ઝડપી પાડ્યો હતો.
શહેરા તાલુકાના ધામણોદ ગામના ઠાકરીયા ફળિયામાં આવેલા એક રહેણાંક ઘરમાં છુપી રીતે દારૂનું વેચાણ થતું હોવાની માહિતી પોલીસને મળી હતી. પોલીસે માહિતીના આધારે બુટલેગર પ્રભાત માલીવાડના ઘરે રેડ કરીને કાર્યવાહી હાથ ધરી હતી. પોલીસને ઘરની અંદરના રૂમમાંથી છુપાઈ રાખેલ રૂપિયા 36 હજારનો વિદેશી દારૂનો જથ્થો મળી આવવા સાથે બુટલેગર પ્રભાતને પણ પકડી પાડ્યો હતો. વિદેશી દારૂ અને દારૂ વેચનાર પ્રભાત ઉર્ફે ગેંડાલ નાથાભાઈ માલીવાડને પોલીસ મથક ખાતે લાવીને દારૂ ક્યાંથી મંગાવ્યો હતો. તે સહિતની અનેક પૂછપરછ હાથધરી હતી. તાલુકા પંથકમાં અનેક લોકો ઓછી મહેનત કરીને વધુ રૂપિયા કમાવા દારૂના ધંધા તરફ વળતા હોય તેવું લાગી રહ્યું છે.